Popular Bible Verses from 1 OSSORANNA DATU 16

Share

Anga’i tu PUANG sia tuntunni tu matoto’Na; La tontongkomi undaka’i ammi pellambi’i oloNa.

Pudimi tu PUANG, belanna masokan Ia, sia iatu kamasokananNa tang tileluk sae lakona.

Pudimi tu PUANG sia meongli’komi ussa’bu’ sanganNa; Pakaleleanni tu penggauranNa dio lu mintu’ bangsa.

Massattuangkomi diona sanga maseroNa; Mintu’ to undaka’ PUANG sipatu la sende batu ba’tengna.

Kilalai tu mintu’ tanda memangngan mangka Napogau’, Sia mintu’ tanda kalle-kalleanNa, Sia mintu’ panglampakNa tu ombo’ dio randan pudukNa

PenanianNi sia pakendekanNi pa’pudian; Pokadai tu sininna penggauran kalle-kalleanNa.

Belanna pasareongan tu PUANG sia pato’ tongan dipudi, Mandu metakuran Ia na mintu’ deata

Palulakoi PUANG tu kamala’biranna sanganNa, Pennoloanni tu pemala’ sia menombakomi dio oloNa. Tukkukomi menomba lako PUANG umpokassa’ pakean maindan.

Dio oloNa tu tanda kabilangan sia kadipangkeran. Anna kapaan sia kasendean lan inan Nanii torro.

Penaniammi tu PUANG, e mintu’ issinna lino, Pasitarru’-tarru’i tu allo Minii umpa’peissanan kasalamaran lu dio mai Kalena.

Pakaleleammi tu kamala’biranNa dio lu mintu’ bangsa, Sia iatu penggauran kalle-kalleanNa dio lu mintu’ sangpetayanan.

Nakua kadanNa: Da mipata’pai lima tu mati’ to mangka Kutokko, Sia da mipogau’ kadakena lako mintu’ nabingKu.

Belanna iatu mai deatanna mintu’ bangsa, kapenomban tang tongan. Apa PUANG Ia tu ungkombong langi’.

Kilalai tu basseNa tontong sae lakona, – iamotu kadanNa tu mangka Napepasanan landa’ lako sangsa’bu osso’na

Melo ke sende paimanni, anna mela’tek tu lino, Sia la napokada tau dio lu mintu’ bangsa, kumua: PUANG untoe kapayungan.

Mintu’na kadipangkeran lu langngan nasang PUANG, Kapenombanna to Israel, tempon dio mai tontong landa’ lako attu situran. Namintu’ to buda ma’kada nakua: Amin, sia: Pudimi tu PUANG.

E pa’rapuanna mintu’ bangsa, palulakoi PUANG, Palulakoi PUANG tu kadipangkeran sia akui tu kuasanNa.