Popular Bible Verses from Rom 8

Share

Eji mîriọọn̄ ijaan̄ lek ibe ke Awaji ìkisa otutuuk inu igbaan̄ irọ ata ikwaan̄ inyi ebi ìmumun̄ ọmọ me chieen̄, òrere ebi ọmọ ogwenbe ibe enerọ inu ọmọ odọmọbe isun̄.

Mije, emi nriọọn̄ ijaan̄ lek ibe ke kpunu inu geege òbokọt iche eji isan̄a me lek imumechieen̄ Awaji, mè ìre mkpa mè ìyaka ire ugwem, mè ìre ebi osat Awaji, mè ìyaka ire ijo erumun̄, mè ìre inu òkukup me mgbọ keyi, mè ìyaka ire echi òkup me isi, mè ìre unye eyi mkpulu geelek, mè ìre ere òbebene ichit, mè ìre ere òdọdọk ichit, mè ìyaka irere ofifi inu geelek me etete otutuuk inu geelek Awaji orombe. Kpunu inu geege obokọt iche eji isan̄a me lek imumechieen̄ Awaji okaan̄be me lek kiji, eyi eji ekaan̄be sa me lek kè Jisọs Karais Okaan̄ kiji.

Ikeya si, îre Ekwukwu Mbuban okitap ubọk inyi eji mgbọ lek kiji owọbe. Eji kpekiriọọn̄ ubọk ògbegbe ibe eji ekeriaak uriaak. Ire, Ekwukwu Mbuban me lek kan̄ okibọkọ uriaak kiji iriaak inyi eji, mè ikito mfi òdọdọk enenen me emen uriaak ya, eyi ikọ otu ìkpokọt ibum ibot.

Eyi Awaji orọbe otutuuk inu chi inyi eji, ìre keke ke eji ebeyaka itumu? Ire Awaji ikeke inyi eji, ìre ekene obokọt irọ ikeme eji?

Eya orọ, mgbọ keyi, itip-oyerebet geege ìkayaka ìkup ìnyi ebi geelek ìrere ge melek Jisọs Karais.

Ekiket irọrọ inu akpalek ijo inu okiweek mgbọ geelek ìkisa mkpa ijet ene. Ire, ekiket irọrọ inu Ekwukwu Mbuban okiweek mgbọ geelek ìkisa esuuk mè ugwem ikakaan̄ge itata ijet ene.

In̄-in̄, kpan̄asi ikeya, me emen inu chi geelek, eji mîgak ebi ìkitim ikpan̄ me linyọn̄ keyi, sa me unye kè Jisọs Karais ogwu òmumun̄ eji me chieen̄!

Mfuk isan̄a, mè imun̄ ibe ke ufialek eji ekimun̄ mgbọ keyi ìkaso inu ebesa itọ me lek ujamgbugbo eyi Awaji obochili inyi eji.

Ire ikeya, ìre ekene obokọt iche eji isan̄a me lek imumechieen̄ Karais okaan̄be me lek kiji? Ìre uyọrọlek môkọt, sà ìre uga ufialek, sà ìre saasaak, sà ìre una inorie, sà ìre ijeje njak, sà ìre unan, sà ìre mkpa? Kpunu inu geege òbokọt iche eji isan̄a me lek imumechieen̄ Karais okaan̄be me lek kiji!

Awaji ogwu òkiriọọn̄ otutuuk inu òkup ene me ejit, îriọọn̄ inu òkup Ekwukwu Mbuban me ejit, mije, Ekwukwu Mbuban ìkibeek mbeek me ibot bọn Awaji igọọk me nkeek Awaji.

Ebi geelek Ekwukwu Mbuban okikpulu, ebiba ere bọn Awaji.

Ebi ìkiluk ugwem igọọk me akpalek ijo inu kiban̄ ekikeek ubọk ema mêsabe ikirọ inu akpalek ijo inu ya okitọ inyi ema mgbọ geelek. Ire, ebi ìkiluk ugwem igọọk me nteme eyi Ekwukwu Mbuban ekikeek ubọk ema mêsabe ikirọ inu Ekwukwu Mbuban okiteme ema mgbọ geelek.

Ire Awaji iria ogwu Gwun̄ inu ibe inibọkọ ufialek me ibot kiji otutuuk ene, ìkatet ìkaan̄, ìre Awaji ya ìkpofat inyi eji otutuuk inu geelek me ikike igbaalek Gwun̄ kan̄ ya înyibe eji?

Ekwukwu Awaji me lek kan̄, melek ekwukwu òkup eji me emen ekigbaan̄ itumu otu ge, mè ikirọ inye ibe ke eji ìre bọn Awaji. Mgbọ keyi eji erebe bọn Awaji, eji mêbọkọ ìrot eyi Awaji osun̄be inyi ebi kan̄, mè igọọk Jisọs Karais igbaan̄ ikaan̄ uche me lek ìrot ogwu Ute osun̄be iban ọmọ. Mije, ire eji igọọk Karais imun̄ ufialek îmun̄be me atikọ, eji mêgọọk ọmọ si igbaan̄ ikaan̄ ujamgbugbo kan̄.

Mije, ejit ene eyi ijo inu okikpulu ìkichacha Awaji, ìkakima irọrọ Ikan Awaji, ìkpokọkọt si irọ.

Otutuuk inu geelek Awaji orombe ìkikup me mbem-lek ikikpọ mgbọ Awaji môsan̄abe ebi ìrere bọn kan̄ isibi ijeen̄ otutuuk ene.

Eji mîriọọn̄ ibe, mege inire mgbọ keyi, ke otutuuk inu geelek Awaji orombe òkito mfi me irak uga ufialek kubọk nwa-owot uman okitet.