Popular Bible Verses from Rom 13

Share

Kpan̄asi ikeya, ìtap Jisọs Karais kubọk ofọnti, mè ìjit irọrọ ijo ulọk cha echi akpalek ijo inu kinyi okitọ inyi enyi.

Ikakaan̄ ene geege urieek, îtata urieek eyi imumechieen̄ gaalek, mije, urieek imumechieen̄ ìkakita. Ene geelek òmumun̄ ogwu melek kan̄ me chieen̄ îrọ otutuuk Ikan kè Mosis iso.

Ene geelek ikisiki lek kan̄ inyi mkpulu geelek òkikpulu ọmọ, mije, kpunu mkpulu geege eyi ikanan̄age me ubọk Awaji. Mkpulu geelek òkikpulu me mgbọ keyi, îre Awaji osun̄ ema otutuuk.

Eririeen̄ môniraka. Ìsik sọntiik egwe môwelebe itoon̄ ene me lek! Eya orọ, eji ewọọk irọrọ echi emen udun esan̄a me lek kiji, mè etap nroon̄ akọn̄ eyi mêsabe itim akọn̄ me utoon̄ ikarek.

Ogwu òmumun̄ ene me chieen̄ ìkpokọt irọ ene ya ijo inu geege. Eya orọ, imumechieen̄ ore irọrọ Ikan kè Mosis iso.

Ìkpe otutuuk ene urieek geelek enyi ekaan̄be ema. Ebi enyi ekaan̄be urieek otitip ido, ìkpe otitip ido ìnyi. Ebi enyi ekikpe mkpukpe inyi me ibot inu enyi ekaan̄be, ìkikpe mkpukpe cha ìnyi ema. Ebi ìgbegbe inyinyi ulibi, ìnyi ulibi. Ebi ìgbegbe inyinyi umin, ìnyi umin.