Popular Bible Verses from ROMANIK 8

Share

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

Amu angen komyee ale ma imuuchi kobesyech meet, anan saboondo, anan malaikaisyek, anan pounatosyek, anan tuguuk che miitei, anan tuguuk che pwoonei, anan kimnatosyek, anan toroorindo, anan asurto, anan kiy age tugul ne ki kiyai, eng' chamyetap Kamuktaindet, ne mi eng' Kristo Jeso Kiptaiyandennyo.

Ak toreti ko uu nooto agine Kabuuset ne Tiliil nyalulennyo: amu ma kingen kesaa ko ye nyolu; ago saiywech Kabuuset ne Tiliil ineendet eng' tigenoik che ma kimuuchi kemwa

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

Nooto anyun ma komi kirwooget eng' icheek che miitei eng' Kristo Jeso.

Amu kererwegap met che po poorto ko meet; ago kererwegap met che po Kabuuset ne Tiliil ko saboondo ak kaalyeet

Ago, ki katerterik kot kosiir eng' tuguuchu tugul eng' ineendet ne ki chamech.

Amu aiiti ale nyalilwogik che po peetuusyechu koma nyolu kiroge toroornatet ne tuun king'ang'wech.

Ibestoseech ng'oo eng' chamyetap Kristo? Nyalilda, anan pichiindo, anan usiisyet anan rubeet anan aach ngor, anan ng'oiyondit, anan rotwetap chok?

ak ineendet ne isyachi mugulelwek kongen kiit ne ibwaati Kabuuset ne Tiliil, amu saaei agobo piik che tiliileen ko uu mageetap Kamuktaindet.

Amu tugul che indochin Kabuusetap Kamuktaindet, ko weeriigap Kamuktaindet chooto.

Amu icheek che isubi poorto kogereeri met agobo tuguugap poorto; ago icheek che isubi Kabuuset ne Tiliil kogereeri met agobo tuguugap Kabuuset ne Tiliil.

Ineendet ne ki ma riiree Weeriinnyi, ago kigon ineendet agobo acheek tugul, tos ma koonech tuguuk tugul eng' aiyebindo kobooto ineendet?

ko paoryani Kabuuset ne Tiliil ineendet ak mugulelwekyok kole ki lagogap Kamuktaindet; ak ngo ki lagok, ko ki che punjinech tuguuk; che punjinech tuguugap Kamuktaindet, ak che punjinech tuguuk kobooto Kristo; ngot kenyalildosi kobooto ineendet, si kitoroorech kobooto ineendet.

amu kererwegap met che po poorto ko puunyoondit eng' Kamuktaindet; amu ma kase iit Ng'atuutyetap Kamuktaindet, amaimuuchi

Amu igeni miising' ak koganyei yaeet komugul ng'ang'et ne po weeriigap Kamuktaindet.

Amu kingen keele tigeni ak kogasei ng'wanindo yaeet komugul kobootech agoi nguno.