Popular Bible Verses from ROMANIK 6

Share

Amu melektap tengek ko meet; ago konunetap chamyet ne po Kamuktaindet ko saboondap koigeny eng' Kristo Jeso Kiptaiyandennyo.

Amu ma tinyei tengek pounateet eng' okweek: amu ma omi eng' Ng'atuutik, ago eng' myeeindo.

Nooto anyun kigetubech kobooto ineendet eng' kabatisanet agoi meet: si ko uu ye ki king'eet Kristo eng' che ki pek eng' toroornatetap Kwanda, ko uu nooto, kibendoti agacheek eng' saboondo ne leel.

anan ogoochi tengek kebeberwegap poorwekwok koek kariik che ma po iman; ago ogoochigei Kamuktaindet, ko uu che saptos che kamang'une che ki pek, ak ogoochi Kamuktaindet kebeberwegap poorwekwok koek kariigap imanda.

kingen ni, keele ki kigartaat chiinyo ne po keny kobooto ineendet, si kong'emak poortap tengek, si mata koratech tengekto kogeny.

Ko uu nooto oiityige ak okweek ole ki obekyi tengek, ago osaptosi eng' Kamuktaindet eng' Kristo Jeso.

Kimwae nee anyun? Ki testai ketebi eng' tengek, si kobiit kotesak myeeindo? Achicha, ma uu nooto. Acheek che kigebekyi tengek, kota kesoptoi ano eng' tengek?

Mongen ole, ineendet ne ogoochinigei oegu otwogik agoi kasetap iit, ko oo otwogigap ineendet ne ogase iit; ngo po tengekto agoi meet, anan ngo po kasetap iit agoi imanda?

Ago kimwachini Kamuktaindet kongoi, amu, okweek che ki oo otwogigap tengekto, ko ki ogas iit eng' muguleldo kaneetisyet ne uu ne kigegoonok okweek; ak ye kingi tyachak eng' tengek, oegu otwogigap imanda.