Popular Bible Verses from KALEWANAIK 15

Share

Istoi waluunet ne tala nereegek, ago ing'eeti ng'olyoot ne ng'waan nereegek.

Katigonetap utaatyet ko kaiyweisyet ne kiywei Kamuktaindet ne Toroor; ak indoi kaming'inetapkei eng' teegisto.

Keetitap saboondo ng'elyepta ne isoobisyei, ago ng'emei ngelelnateet saboondo.

Ma isuldoi chobutik eng' ole ma mi kirwooget, ago ki kimiti chobutichooto eng' ole mi kirwoogik che chaang'.

Igoochin muguleldo ne igasegei togeet kobaibait, ago tanui `ine eng' arageneetap muguleldo.

Miitei konyegap Kamuktaindet ne Toroor komosta age tugul, kogeerei che yaacheen ak che myachen.

Kaigai tuguuk che matya kobooto kaiyweisyet ne kiywei Kamuktaindet ne Toroor, kosiir konoraik che chaang' kobooto nyalilda.

Ing'eeti chiito ne kipnereegia pooryeet, ago tisei pooryeet ineendet ne masartae nereek.

Ruchin muguleldap ne po iman kiit ne wolu, ago rong'u kutusweegap kiptengeginik tuguuk che yaacheen.