Popular Bible Verses from KALEWANAIK 11

Share

Nerei saboondap ne aiyeep, ak ne inagi chii peek kinagi agine.

Mi ne igoitoi, ago tesoksei kosiir; ak komi ne etei miising' kosiir ne nyolu, ago ibu nooto pananda.

Ye nyo menoteet, konyo agine kalilanet, ago mi utaatyet ak che iming'inegei.

Ibutos piik eng' ole ma mi kandoiset ne po ng'omnateet, ago mi saruunet eng' ole mi kirwoogik che chaang'.

Poisyonigap ne po iman ko keetitap saboondo; ago koroomnateet koolusi saboonwegap piik.

Ng'aanyei ung'ootik ineendet ne chaamsoti, ago riibei ng'olyoot ineendet ne tinyei Kabuuset ne po iman.

Chiito ne tinyei rireenetapkei koyachin ne myee saboondanyi, ago chiito ne kolgol konyalili poortanyi.

Ineendet ne imang'u mogornatosyekyik, kobuti, ago piitos che po iman ko uu sogoot ne tuon.

Ma tilei kiy mogornatosyek eng' peetuutap nereegek, ago saruunisyei imanda eng' meet.

Indochin che po iman kagesunatennywa pogei, ago kamaasetap che yaei kaberberisyet ko ng'emei icheek.

Kergei peteitap thahabu ne mi serutap tooreet, ak kwondo ne karaaran ne ma tinyei naet.

Wechei Kamuktaindet ne Toroor kerutyet ne ma po iman, ago chamei Kamuktaindet ne Toroor kerutyet ne po iman.