Popular Bible Verses from PHILIPPIK 4

Share

Amogereeri met eng' kiy age tugul; ago eng' kiy age tugul ko eng' saaet ak soomet kobooto kongoi, ingonaak soomutikwok eng' Kamuktaindet.

Ak riibei kaalyeetap Kamuktaindet, ne siirei kaguiyet tugul, mugulelwekwok ak kabwaatutikwok eng' Kristo Jeso.

Ne po let anyun, che kitupche, tuguuk alak tugul che po imanda, alak tugul che po teegisto, alak tugul che po imanda, alak tugul che tiliileen, alak tugul che chamaatiin, alak tugul che kimwaitoe ne myee; ngo mi myeein age tugul, ak ngo mi kalasunet age tugul, obwaat tuguuchuuto.

Amuuchi ayai tuguuk tugul eng' ineendet ne igimita.

Oboiboitu eng' Kiptaiyat kotugul: ak amwae kogeny ale, Oboiboitu.

Ago inyiitwok Kamuktaindet nenyu kiit age tugul ne obononi ko uu mogornatosyekyik eng' toroornatet eng' Kristo Jeso.

Tuguuk che ki oneetkei ak che ki otaach ak che ki ogas ak che ki ogeer eng' anee, oyai tuguuchooto: ak kotep kobootok Kamuktaindet ne po kaalyeet.

Ingonaak mutyoneng'wong' eng' piik tugul. Kagoriik Kiptaiyat.

Angen ole ateptoi eng' terterindo, ak angen ole ateptoi ye katesak tuguuk: eng' kiy age tugul ak eng' tuguuk tugul, ko ki aneetkei ung'ootyetap piyendo ak rugutet, anyoor che chaang' ak abanan.

Ma ng'alaali amu ma tinye kiy: amu ki aneetkei, eng' atebeet age tugul ne atinye ale, yama ko uu nooto.