Popular Bible Verses from KIRWOOGIK 6

Share

Ak ki mong'ji ineendet malaikaiyatap Kamuktaindet ne Toroor ak koleenji, “Mi Kamuktaindet ne Toroor kobooten, inyee chiito ne ii kiim ak ko ii nyigan!”

Ak kigusyi kong' `Kamuktaindet ne Toroor ineendet ak koleenji, “Ui eng' kimnatoning'ung', ak isaru Israel eng' eutap Midianik. Tos ma ayookten?”

Ak ki leenji Kamuktaindet ne Toroor, “Ami kobooten iman ak ibare Midianik ko uu yo chiito agenge icheek.”

Ak ki leenji `Gideon ineendet, “Ee, Kiptaiyandennyu, ngot komi Kamuktaindet ne Toroor kobootech, ko amu nee si kobwanjech tuguuchu tugul? Mi ano poisyonikyik tugul che po kwong'eet che kimwaiwech kwanisyekyok, koleenjech, ‘Tos ki ma imutwech Kamuktaindet ne Toroor ketogosu eng' Misiri?’ Ago ki kobagaktech Kamuktaindet ne Toroor ak kondaech eunegap Midianik.”

Koleenji Gideon, “Ee, Kiptaiyat, asaruunee nee Israel? Keero, ooreennyo ko ponoon kosiir tugul che po Manasseh ak ko aa ne ming'in eng' tugul eng' kootap kwandanyu.”

Ki nyo malaikaiyatap Kamuktaindet ne Toroor ak kotebee keetitap alayet keel ne ki mi Ophrah, ne ki po Joash Abiesrindet. Kituei weeriinnyi Gideon nganuuk eng' ole kitue sabibuk, si kobiit kouny nganuchooto eng' Midianik.

Koteekyi Gideon anyun Kamuktaindet ne Toroor kaptisisyet eng' yooto, ak koguure “Kamuktaindet ne Toroor ko kaalyeet.” Miitei agoi kora eng' Ophrah ne po Abiesrik.

Ki leenji Gideon, “Ngot ko kaanyooru chameet eng' taing'ung', iboorwo anyun kaboorunet ile inyee ne ing'alaalwo.

Ki leenji `Kamuktaindet ne Toroor ineendet, “Ingotep kaalyeet kobooten! Meiywei, memee.”

Ki yai piigap Israel yaityet eng' taitap Kamuktaindet ne Toroor; ak ki inde `Kamuktaindet ne Toroor icheek eunegap Midian kenyiisyek tisap.