Popular Bible Verses from ISAIAH 9

Share

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

Piik che kibendote mesundeito ko kogogeer lapkeiyet ne oo; icheek che ki menyei emetap urwetap meet ko nguno kogoluuchi lapkeiyet.

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

Amu kibeelei kweonik tugul che po chiitap lugeet eng' wasetapkei, ak ngoroik che ki isegei korotiik, egu tugul che laldos.

Ago ma mi mesundeito eng' emet ne ki tinyei pichiindo. Eng' peetuusyek che po tai, ko ki ipchi sasisyet emetap Zebulun ak emetap Naphtali, ago kiitoroor eng' peetuusyek che po let, ooreetap nyanjet, Jordan pitoniin, Galilaya ne po pororyosyek.

Ki ites pororyet, ki ites poiboiyennywa; poiboitu icheek eng' taing'ung' ko uu poiboiyet ne po kesisyet, ko uu piik che poiboitu ye pchei parunenik.

Amu koiiri chogitap lautyennyi, ak kirokto ne po tigikyennyi, ak kirokto ne po usiindennyi, ko uu eng' peetuusyegap Midian.