Popular Bible Verses from ISAIAH 43

Share

Ogeero, ayae kiit ne leel; piitu anyun nguno; tos monae? Ayae ooreet eng' surkwen, ak ainoosyek eng' surkwen.

Ami kobooten ye ibune peek che chaang'; ak ye ibune ainoosyek, koma imaluuchin; ye ibune maat, koma peelin; ama imelin liplibenetap maat.

Amat obwaat tuguuk che po tai, amat ogereerchi met tuguuk che po keny.

Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

Amu koiegu eng' anee ne achame miising', ak ne kigonyiti, ak ki achamin; agoitoi anyun piik agobo inyee, ak agoite piik agobo sabeeng'ung'.

Amu aa Kamuktaindet ne Toroor Kamuktaindeng'ung', Ineendet ne Tiliil ne po Israel, Yetindeng'ung'; kaagoite Misiri koek ne kityagenen, kobooto Kush ak Seba.

Meiywei; amu ami kobooten: amutu iyoteng'ung' eng' kong'asiis, ayumin inyoo eng' cherongo

Anee, ee aneendet ne aistoi pistaosyeguk, amu kainennyu; amabwaati tengekwogiguk.

Oo paorinikyuk, mwaei Kamuktaindet ne Toroor, ak otwogindennyu ne ki alewen; si kobiit onai ak oyana, ak oguiye ole aa ineendet; ma mi Kamuktaindet age ne kisip keyai eng' anee, ama kobiitu age eng' let.

Anee, ee, aneendet, aa Kamuktaindet ne Toroor; ama mi yetindet age kobatena.

Ee, aa ineendet kobooch agoi, ama mi age ne imuuchi korep eng' eunnyu: aboisyei, ak ng'oo ne imuuchi koger?

Konyita tyong'igap timiin, lelwek ak tyong'igap songolik: amu agoonu peek eng' surkwen, ak ainoosyek eng' surkwen, si anaga piikyuk, chechuuk che ki alewen: piik che ki ayachigei, si kobiit kobarta kalasunennyu.

Amwachini murot kaataam, aleenjini, Koonu; ak amwachi murot tai aleenji, Ametuuch; omutu weeriikyuk kobun ole loo, ak omutu tiibiikyuk eng' ole poochin ng'wony; age tugul ne kimwaitoe kainennyu, ineendet ne ki atau ayai agobo toroornatennyu; ki amimii; ee, ki ayai.

Mwaei Kamuktaindet ne Toroor, ne yaei ooreet eng' nyanjet, ak ooreet eng' peek che kiimeen; ne imoong'u chepkichutit ak paraisiit kobooto lugeet ak kimnateet; ruitos tugul ng'wony, ama ng'eetos kogeny; kagobetyo, kagimis ko uu kitambit

Aa Kamuktaindet ne Toroor, neng'wong' Ne Tiliil, Yaindetap Israel, Laitoryandeng'wong'.