Popular Bible Verses from TAUNET 50

Share

Okweek, ko ki oleen ki oyaiywo ne ya, ago ki yai Kamuktaindet komyeeit, si kosulda ko uu rani, si kesar piik che chaang'.

Ago ki leenji Joseph, “Amoiywei, tos ageeregei Kamuktaindet?

Amata oiywei anyun nguno. Abook kobooto lagokwok.” Ak ki igaigai icheek ak kong'alaalji eng' talasyet.

‘Omwachi Joseph oleenji: Kaigai inyochigaat tupchosyeguk amu pistoennywa ak tengektonywa, amu kiyaun yaityet.’ Ara anyun, kisaain keele nyoiywech kaat acheek otwogigap Kamuktaindet ne po kwandang'ung'.” Ak ki riir Joseph ye ki ng'alaaljin `icheeget ineendet.

Ak ki leenji Joseph tupchosyekyik, “Neegit ame; ago rutochinok iman Kamuktaindet, ak komaandak otogoste eng' emoni obe emet ne ki iyasyechi Abraham, Isak ak Jakobo.”

Ak kimach `Joseph piigap Israel koyasyo kole, “Rutochinok iman Kamuktaindet, ak oip kawekyuk kotogosta koba eng' oli.”

Kime anyun Joseph, ye kiga kotar kenyiisyek pogol ak taman. Ki kiinde kerichek muustonyi ak kinde moinget eng' olooto po Misiri.