Popular Bible Verses from AMDOINDET 5

Share

Amat kosartae kuting'ung' ak amat kosartae muguleldang'ung' komwa kiy age tugul eng' taitap Kamuktaindet, amu mi Kamuktaindet ne Toroor kipsengwet ak imi ng'wony. Ingong'ering'itu anyun ng'aleeguk.

Ak chii age tugul agine ne ki igoochi Kamuktaindet mogornatosyek ak chaang'indap tuguuk, ak kogoochi kimnateet ne ame tuguuchooto, koip kebebertanyi, ak kobaibaitune poisyennyi; niito anyun ko konunetap Kamuktaindet.

Ma piyonyi robiinik ne chamei robiinik; ama piyonyi tuguuk che tesoksei ineendet ne chamei chaang'indap tuguuk. Puch niito agine.

Riip keeldong'ung' ye iwendi kootap Kamuktaindet; amu kaigai keriikyi si kegas, kosiir koroseek che igoitoi piik che perber; amu ma naei icheek kole yaei yaityet.

Ye iyasye, ko mat igaegei amu ma paibaitune ineendet che perberen. Igoite anyun ne keyasye.

Kaigai amearorte, kosiir iarorte amegoite.

Anyiny rwondap chiito ne poisyei, ngo am che ng'ering' anan che chaang'. Ago ma inuuktos mogoreek amu piyendanywa.

Ko uu ye ki kisichei, kowendi puch kogeny ko uu ye kinyonei, ama ibei kiy ne po poisyennyi ne imuuchi kotita eng' eunnyi.