Popular Bible Verses from 1 KORINTOEK 1

Share

ago ki lewen Kamuktaindet tuguuk che perber che po ng'wony, si kogoochi kalilanet che utaatiin; ak ki lewen Kamuktaindet tuguuk che nyalulyotin che po ng'wony, si kogoochi kalilanet tuguuk che kiimeen

Amu perberyo ng'olyootap kimurtoiyot eng' icheeget che lustos; ago eng' acheek che kisaru ko kimnateetap Kamuktaindet.

Amu perberyo ne po Kamuktaindet ko utaat kosiir utaatyetap piik; ak nyalulnatetap Kamuktaindet ko kiim kosiir ne po piik.

Kamuktaindet ko ne kiyani, kigeguurok eng' ineendet obwonji yamdaetap Weeriinnyi Jeso Kristo Kiptaiyandennyo.

Asoomok miising' anyun, che kitupche, eng' kainetap Kiptaiyandennyo Jeso Kristo, ale, omwa tugul kiit agenge, si ma piit pesyosyek eng' kwenung'wong'; ago si oegu che ititaatiin kibagenge eng' kabwaatet agenge ak eng' kirwooget agenge.

Mi ano ne utaat? Mi ano siriindet? Mi ano kiptiyotyot ne po kenyisyechu? Tos ma yai Kamuktaindet ng'omnatetap ng'wonyuni koberberit?