God manö rɨmnap halö hagöm haga,
“Bɨ Kub, ne ke hadame dagol gau nöp mɨdmön,
mɨnöŋ naböŋ iƚ i gɨ löm, kumi kabö au ñɨmagö ne gɨ lɨna.
Nan anɨb gau magö ap mɨdöm, ur gɨnɨg gab,
pen ne mɨdep nöp mɨdeinabön.
Nan anɨb gau, waƚɨj papɨƚ lɨ lugö,
ud asɨk ke au löm, gɨsön nɨbö rol gɨpal rö gɨnabön.
Pen ne Bɨ Kub, nöd mɨdmɨdan rö,
uri anɨb unbö rö nöp mɨdpan;
ke ap lagnabön; uri mɨdpan rö
hainö anɨb unbö rö nöp nöp pör pör nöp mɨdeinabön,” a ga.