Popular Bible Verses from Amboda Sirorarira 8

Share

Ainda amboda, Sifi da Mandi finje ambo bekáda ava jighi afigetiri, utu aminda beka a javi dotutusira. Dotiri, iji goroto soveni taukaka (one half hour) sembu darigetiri

Aminguse, nenda eni tuturo edo, nunda tavuya fusisira. Fusetiri, borija yaura, aisi (ice) da kaugo, ‘hail’ seraera ava, avarakaghae ororo ainde dabade tatedo endada vovosusira. Aimi vosedo, roera endada ireira ava, diti etodaba gatege fitido, diti etoto dodo, diti eni amo gambu avisira. Roera resena emo, enda diti eni gambu avisira, ika diti eni gambu avisira, a eke kikisa isambu gambu avisira.

Amingiri goseno, riduna eniimi iká bekáda ghufuse, beka tomanako eminge siri nininguseni, “Dara! Amo taká dara bekári! Dara teria beká endada sirorarira. Amo, aneya etodaba naká tavuya jo fusae irera. Nene fusarera amo, evetu genembo endada irera aikena, dara a dubo mema teria beká ava sirorarira,” aminge sisira.

Dadabetiri, aneya eni ira etoto naká usira aimi, nunda tavuya fusisira. Fusetiri, roera eni, kau doriri mindafu aminga ava, avaraka aminda gambu aviri, sofughe budo fugetero, ira evada tifughusira. Etiri, eva diti etodaba naká sarige ira fefetusira, eni jovereghedo ororo usira.

Dadabetiri, aneya eni ira etodaba naká usira aimi, nunda tavuya fusetiri, damana tomanako arivo da kaugo utuda avise, jaraghuse ireira ava, donembe vose fira, uvu a uvu da doin aminda dorusira. Detiri, uvu resena emo, uvu diti etodaba naká sarige fefetusira, ainda eni ava jovereghedo, dokegha beká usira. (Damana setena ainda javo beká mo, ‘Dokeghari’.) Uvu ava dokegha etiri, evetu genembo digari ava mindido sirivo useri.

Dadabetiri, aneya eni ira avononde naká usira aimi, nunda tavuya fusetiri, iji da usasa, inua da usasa, a damana da usasa ava sarigedo, diti etodaba naká usera, ainda diti eni jo janimbae usira. A kotugo, sifo dabako ainda jokáda, usasa diti etodaba naká gategusera ava, dabako jo usasa ae usira. A kotugo, tumba dabako ainda jokáda, inua a damana da usasa ainda diti etodaba naká gategusera ava, dabako jo usasa ae usira.