Popular Bible Verses from Amboda Sirorarira 2

Share

Avata nenda dara eni mo, emingeraeva. Giti ne, na dubo bu gogoghombuse irá ghusevu. Avata oroko emo, nanda tamo kaka use, na jo dubo bu gogoghombae eraeva.

Ava sedo, nenda ari ekoko emo vujege dodo, giti rea edo ghuseva, kau daba ava areva! Jo amingae areva amo, na nemokena yama, nenda nanefa (lamp) fitari da bodaka bu fugono, nenda fakina dadabarira.

Erama dubo mema oroko nembo fururari itatamareva aindae, oju eove! Geka evia ningivu! Nenda fakina dere gari dae sedo, nenda nano namendi ava, Satan da mendeniimi bu ya diburada fitarera. Dara resena emo, sifo isambu ghabu sovenisoveni ainda jokáda itatamururovo ya dadabarira. Ne nandae sise ambari dae oju jo ae areva amo, na jebuga evovodae irari da koana, kotofu da kekesa da kaugo ava, nemokena mutono bu asugareva. Koanaá mave bu asugarira amo, nu jebuga evovodae irari ava tuve barira.

“Avori, Asisi Kakara rea ekaresiakena+ resira ava, ningi gogoghombevu! “Mave nandae sedo isoro use, gitofu de atai duboda fati fetarira amo, na numokena jebuga evovodae irari ainda ika vuji ava mindare dae sedo, emboro afigedo ijugarena. Ika amo, nu God da vasa aminda vitiraira,” Iesu aminge sisira.

Ne rea edo ghuseva amo, na kasama erena. Ne saramana fakarago use jo doyae, bouvu fufudo fuseva ava, na kasama erena. Ne ari ekoko embo imboe use, erama nenda jokáda tereore dae sise, ondiraeva. Evetu genembo mendeni era, nemo dederuse siseri, “Namane Iesu da ambo jimbiri,” siseri. Avata ne evetu genembo ijujuseva amo, ne gungubo kakatori, ava kasama usevu.

Eni mo: ne fakina edo, nandae sedo gitofu da diti kosisevu. Aminguse, mema itatamuse, na jo ighagha ae usevu.

“Asisi Kakara rea ekaresiakena+ resira ava, ningi gogoghombevu! “Mave nandae sedo isoro use, gitofu de atai duboda fati fetarira amo, na numokena, bayau eveva javo ‘mena’ jungetiri oroko God da vasa aminda irira ava, mutono barira. A eni mo: na numokena ghamana foyago, ainda tamonda javo seka gembero irira ábarago, mutono barira. Javo amo, mave ghamanaá barira, ainembo kasama arira.” Iesu aminge sisira.