Popular Bible Verses from Amboda Sirorarira 19

Share

Aindae sedo, namonde dabade dubo eveva use ivuga aore! Nu teria bekári, aindae namonde sakai saore! Ainda beká mo: sifo ojira buvuruterira! Sifi da Mandi oroko, nunda evetu fitarira. Aindae sedo, nunda datu gagara amo simbugedo gigiterira.

Genembo ainda tamo asugarida a nunda furada, javo eni gembero iriri, gosuseni: “Kini Isasambu Ainda Kini A Kokotofu Isasambu Ainda Kotofuko” geka ava gembero irira.

Ainda amboda, utu afigetiri, genembo hosi (horse) etoda anumbedo vose firi gosuseni. Hosi amo, foyago bekári. Genembo nunda javo mo, “Saramana E Gogoghombari Kato” a “Geka Beká Sari Katori”. Genembo emo, tefo tefo jo isoro ae eraira, nu ategi e gogoghombedo susudae isoro eraira.

Nunda diti mo, kau avaraka bubura da kaugori. Koana digari, kau kotofu da kekesa avavaga, nunda jiroda asedo vose firi gosuseni. Nunda tamonda, javo eni gembiri irei. Avata javo amo, mave jo kasama aeri, nu nusuka kasama usira. Nunda embo ororoimi dave asugedo, vose firi gosuseni, a nunda javo seraera amo, “God da Gekari”.

Genembo da békada ghe, kaiya dikago ava buvurutiri gosuseni. Aimi, nu enda da natofo isambu de atai duboda fati fetarira. Nunda ketua aurii ari ava budo ise, aimi natofo kaifa arira. Kau namonde asi vuji fati simbeoro vaini (wine) rooro, kau ivi da kaugo, aminda vose faseraira aminga ava, Genemboá evetu genembo endada irera nemokena, God Fakina Kato ainda janje eko ava ijuguse, ne de atai duboda fati fetari, mema teriago ava itatamarera.

Avata utuda ghe vose fusera aimi eredo, sino fuka eko a nunda feroveta gungubo kato ainghae sanduduseri. (Feroveta gungubo kato resena emo, nu giti sino fuka da dombuda, tofo sino fuka da fakinaimi tano a ari mendeni mendeni eari siroreari, natofo nenda gitida gido, dukukughedo ghuseri. Dudukughedo, sino fuka ava tumonde bainghedo, a sino fuka da ove kau numoá avavaga simbugusera ava tumonde bainghedo ghuseri. Evetu genembo amo, ‘avori’ setero, nenda tamonda sino fuka eko da tano ava gembero fefetusira.) Avori, sino fuka nunda feroveta gungubo kato ainghae dabade, jebuga sandi fugetero avaraka imo kaeghae, a masa eko beká, ainda jokáda vovosuseri.