Popular Bible Verses from San Mateo 27

Share

Jesú titata tres nicã ʉpʉtʉ caricũwĩ. Cʉ̃ arameo meꞌrã aꞌtiro niwĩ: —Elí, Elí, ¿lama sabactani? niwĩ. Aꞌtiro nígʉ̃, tojo niwĩ: “Õꞌacʉ̃, Õꞌacʉ̃, ¿deꞌro weegʉ yʉꞌʉre cõꞌawãꞌcãti?” niwĩ.

Cʉ̃ wẽrĩrĩ cura aꞌtiro waꞌacaro niwʉ̃. Õꞌacʉ̃ wiꞌipʉ paꞌia sãjãarõpʉ cãꞌmotaꞌayooca casero ʉꞌmʉarõ peꞌe tʉ̃ꞌrʉ̃dijati, deco meꞌrã tʉ̃ꞌrʉ̃yojacaro niwʉ̃. Tojo nicã diꞌta narãsãwʉ̃. Ʉ̃tãperi nimiꞌque bata waꞌawʉ. Ʉ̃tã tutiri masãrẽ yaaꞌque pãrĩa waꞌacaro niwʉ̃. Tojo waꞌacã, wẽrĩꞌcãrãpʉta Õꞌacʉ̃rẽ ẽjõpeoꞌcãrã masãwã.

Beꞌro Jesú apaturi ʉpʉtʉ caricũnemo, wẽrĩa waꞌawĩ.

Surara wiogʉ cʉ̃ surara meꞌrã Jesure coꞌteꞌcãrã diꞌta narãsãcã ĩꞌarã, nipeꞌtise to waꞌasere ĩꞌarã, pũrõ ʉcʉa waꞌawã. Aꞌtiro niwã: —Diacjʉ̃ta ãꞌrĩ Õꞌacʉ̃ macʉ̃ta niapĩ, niwã.

Jesú curusapʉ wẽrĩrĩ cura dajaritero nicã nipeꞌtiropʉ naꞌitĩꞌa waꞌawʉ. Téé ñamicaꞌa tres nicãpʉ naꞌitĩꞌatʉowʉ.

Na tojo nicã tʉꞌogʉ, Pilato nicʉ niwĩ: —To pũrĩcãrẽ Jesú na Cristo nigʉ̃rẽ ¿deꞌro weegʉsari? Nipeꞌtirã yʉꞌticãrã niwã: —Curusapʉ paabiꞌpe wẽjẽña, nicãrã niwã. Tojo nicã tʉꞌogʉ, Pilato nicʉ niwĩ: —¿Deꞌro weegʉ tojo weebosari? Ãꞌrĩ ne cãꞌrõ ñaꞌarõ weeticʉ niami, nicʉ niwĩ. Cʉ̃ tojo nimicã, masã peꞌe caricũnemocãrã niwã: —Curusapʉ paabiꞌpe wẽjẽña, nicãrã niwã.