Popular Bible Verses from Jueces 6

Share

Õꞌacʉ̃ cʉ̃ basuta nimigʉ̃, cʉ̃rẽ werecoꞌtegʉ weronojõ upʉsãjãnʉꞌcã Gedeṍrẽ bajua, aꞌtiro nicʉ niwĩ: —Gedeṍ, Õꞌacʉ̃ mʉꞌʉ meꞌrã nimi. Mʉꞌʉ aꞌmewẽjẽtutuagʉ niꞌi.

Õꞌacʉ̃ cʉ̃rẽ majãmiĩꞌa, aꞌtiro nicʉ niwĩ: —Mʉꞌʉ tutuase meꞌrã Israe curuacjãrãrẽ madianita masã dutise doca nirãrẽ yʉꞌrʉogʉ waꞌaya. Yʉꞌʉta mʉꞌʉrẽ waꞌadutigʉ weeꞌe, nicʉ niwĩ.

Õꞌacʉ̃ cʉ̃rẽ yʉꞌticʉ niwĩ: —Yʉꞌʉ mʉꞌʉ meꞌrã nigʉ̃ti. Mʉꞌʉ nipeꞌtirã madianita masãrẽ niꞌcʉ̃ masʉ̃rẽ wẽjẽ́gʉ̃ weronojõ weegʉsaꞌa.

Gedeṍ cʉ̃rẽ yʉꞌticʉ niwĩ: —Õꞌacʉ̃ ʉ̃sã meꞌrã nimicã, ¿deꞌro weero aꞌte ñaꞌase ʉ̃sãrẽ tojo waꞌati? Ʉ̃sã ñecʉ̃sʉmʉa Õꞌacʉ̃ tutuaro meꞌrã cʉ̃ weeꞌquere werecãrã niwã. Na “Õꞌacʉ̃ ʉ̃sã Egiptopʉ níꞌcãrãrẽ miiwijawĩ”, nicãrã niwã. Ʉ̃sã peꞌe cʉ̃ tutuasere ĩꞌaweꞌe. Õꞌacʉ̃ ʉ̃sãrẽ cõꞌawãꞌcãwĩ. Ʉ̃sãrẽ madianita masã dutise doca nicã weewĩ, nicʉ niwĩ Gedeṍ.

Gedeṍ cʉ̃rẽ yʉꞌticʉ niwĩ: —Wiogʉ, ¿deꞌro wee yʉꞌʉ Israe curuacjãrãrẽ yʉꞌrʉogʉsari? Ya curua Manasés pãrãmerã nituriase curari yapatiri curuacjãrã nima. Yʉꞌʉ quẽꞌrã niꞌcʉ̃ põꞌrã dʉꞌsagʉpʉ niꞌi.

Beꞌro Õꞌacʉ̃ cʉ̃ basuta nimigʉ̃, cʉ̃rẽ werecoꞌtegʉ weronojõ upʉsãjãnʉꞌcã aꞌti, Ofra nirõpʉ yucʉ pajicjʉ docapʉ dujicʉ niwĩ. Tigʉ Joás wãmetigʉ yagʉ nicaro niwʉ̃. Joás Abiézer wãmetiri curuacjʉ̃ nicʉ niwĩ. Topʉ cʉ̃ macʉ̃ Gedeṍ trigore doque, sʉꞌaweegʉ weecʉ niwĩ. Madianita masã ĩꞌaticãꞌto nígʉ̃, na vino wéérã ʉꞌsepaga ʉꞌtatĩarõpʉ tere sʉꞌaweegʉ weecʉ niwĩ.

Beꞌro Gedeṍ topʉ Õꞌacʉ̃rẽ ẽjõpeogʉ waꞌicʉrãrẽ ʉ̃jʉ̃amorõpeorore niꞌcã mesã ʉ̃tã meꞌrã seeneocũucʉ niwĩ. Ti mesãrẽ “Õꞌacʉ̃ wãcũqueꞌtiro marĩrõ, añurõ tʉꞌoñaꞌse oꞌogʉ nimi”, ni wãmepeocʉ niwĩ. Aꞌti mesã Ofra, Abiézer ya curuacjãrã ya macãpʉ nidecotisaꞌa yujupʉ.

Cʉ̃ tojo nicã tʉꞌogʉ, Gedeṍ nicʉ niwĩ: —Yʉꞌʉre niꞌcãrõacã eꞌcatise meꞌrã ĩꞌagʉ̃, “Diacjʉ̃ta yʉꞌʉ Õꞌacʉ̃ niꞌi” nígʉ̃a, mʉꞌʉ tutuase meꞌrã apeyenojõ weeĩꞌoña.

Õꞌacʉ̃ cʉ̃rẽ yʉꞌticʉ niwĩ: —Ne uiticãꞌña. Mʉꞌʉ wẽrĩsome. Wãcũqueꞌtiro marĩrõ niña, nicʉ niwĩ.

Beꞌropʉ tja Israe curuacjãrã apaturi Õꞌacʉ̃ ĩꞌorõpʉ ñaꞌarõ weecãrã niwã. Tojo weegʉ Õꞌacʉ̃ narẽ siete cʉ̃ꞌmarĩ madianita masã dutise doca tojacã weecʉ niwĩ.