Popular Bible Verses from Éxodo 7

Share

Moisé tojo nicã tʉꞌogʉ, Õꞌacʉ̃ cʉ̃rẽ nicʉ niwĩ: —Ĩꞌaña majã. Mʉꞌʉ faraṍrẽ ucũcã, yʉꞌʉ basu cʉ̃rẽ ucũgʉ̃ weronojõ tʉꞌoñaꞌgʉ̃sami. Mʉꞌʉ maꞌmi Aarṍ peꞌe mʉꞌʉrẽ ucũbosagʉsami.

Yʉꞌʉ peꞌe cʉ̃rẽ mʉsãrẽ yʉꞌrʉnʉꞌcãcã weegʉti. Peje apeyenojõ ĩꞌa ʉcʉasenojõrẽ Egiptopʉre weeĩꞌomicã, faraṍ mʉsã sẽrĩsere yʉꞌtisome. Egiptopʉre yʉꞌʉ tutuasere ĩꞌogʉ̃ti. Queoro narẽ buꞌiri daꞌregʉ, to Egiptopʉ nirã́ yarã masãrẽ wijacã weegʉti.

Egiptopʉre yʉꞌʉ tutuasere ĩꞌóca beꞌro, tojo nicã Israe curuacjãrãrẽ miiwijáca beꞌro, Egiptocjãrã yʉꞌʉ wiogʉ niꞌi nisere masĩrãsama, nicʉ niwĩ Õꞌacʉ̃.

Tojo weecã ĩꞌagʉ̃, faraṍ peꞌe cʉ̃ yarã masĩrĩ masãrẽ, tʉꞌoñaꞌrĩ masãrẽ pijicʉ niwĩ. Na quẽꞌrã na masĩsere mejãrõta weecãrã niwã. Na ye tuasepagʉre nanʉcʉ̃ doquecũucãrã niwã. Tepagʉnʉcʉ̃ aña dojocaro niwʉ̃. Aarṍ yagʉ tuacjʉ peꞌe masĩrĩ masã, tʉꞌoñaꞌrĩ masã yepagʉre baꞌapeꞌocãꞌcaro niwʉ̃.

Tojo weegʉ Õꞌacʉ̃ aꞌtiro niami: ‘Niꞌcãrõacã meꞌrã yʉꞌʉ wiogʉ nisere masĩgʉ̃saꞌa’, niami. Yʉꞌʉ, Moisé, yagʉ tuacjʉ meꞌrã acore paapoꞌocã, aco dí dojorosaꞌa.

—Faraṍ mʉsãrẽ apeyenojõ weeĩꞌoduticã, Aarṍ cʉ̃ ya tuacjʉre mii, nucũcãpʉ faraṍ tiro doquecũudutiya. Cʉ̃ tojo weecã, tigʉ tuacjʉ aña dojorosaꞌa, nicʉ niwĩ. Moisé, Aarṍ, faraṍ tiropʉ cʉ̃ meꞌrã ucũrã waꞌacãrã niwã. Õꞌacʉ̃ dutiꞌcaronojõta weecãrã niwã. Aarṍ cʉ̃ tuacjʉre faraṍ, tojo nicã cʉ̃rẽ daꞌracoꞌterã põtẽorõpʉ doquecũucʉ niwĩ. Cʉ̃ tojo weecãta, tigʉ tuacjʉ aña dojocaro niwʉ̃.