Popular Bible Verses from Hechos 9

Share

Jesú cʉ̃rẽ nicʉ niwĩ: —Waꞌaya. Yʉꞌʉ cʉ̃rẽ yé quetire wereacjʉ besetojapʉ. Cʉ̃ ape diꞌtacjãrãpʉre judío masã nitirãrẽ, na wiorãrẽ, judío masã nirã́ quẽꞌrãrẽ yé quetire werecusiagʉsami.

Tojo waꞌacã, cʉ̃ yagʉ cabayu buꞌipʉ pesamiꞌcʉ nucũcãpʉ bʉrʉdija waꞌacʉ niwĩ. Topʉ cʉ̃ cũñarĩ cura niꞌcʉ̃ cʉ̃rẽ ucũcã tʉꞌocʉ niwĩ. Cʉ̃rẽ aꞌtiro nicʉ niwĩ: —Saulo, ¿deꞌro weegʉ yʉꞌʉre ñaꞌarõ weegʉ weeti? ni sẽrĩtiñaꞌcʉ niwĩ. Tere tʉꞌo, Saulo peꞌe “¿Noa niti mʉꞌʉ?” ni yʉꞌticʉ niwĩ. —Yʉꞌʉ Jesú, mʉꞌʉ ñaꞌarõ weesĩꞌrĩ wapagʉ́ niꞌi. Mʉꞌʉ basu peꞌe ñaꞌarõ weegʉ weeꞌe yʉꞌʉre tojo weesĩꞌrĩgʉ̃.

Cʉ̃ tojo níca beꞌropʉta Ananía Juda ya wiꞌipʉ waꞌacʉ niwĩ. Topʉ eta, ti wiꞌipʉ sãjãa, Saulore bocaejacʉ niwĩ. Cʉ̃ dʉpoapʉre ñapeo, “Saulo, mʉꞌʉrẽ yʉꞌʉ acaweregʉre weronojõ ĩꞌaꞌa. Jesú mʉꞌʉrẽ maꞌapʉ aꞌticã bajuaꞌcʉ yʉꞌʉre oꞌoámi, apaturi mʉꞌʉ caperi ĩꞌato nígʉ̃ tja. ‘Espíritu Santu tutuasere cʉoato’ níoꞌoami”, ni werecʉ niwĩ Saulore. Cʉ̃ tojo nirĩ cura maata cʉ̃ caperipʉ waꞌi nʉtʉ̃rĩ weronojõ bajuse wãꞌñaꞌque bʉrʉstedijacaro niwʉ̃. Tojo waꞌacã, añurõ ĩꞌacʉ niwĩ todʉporopʉ cʉ̃ ĩꞌaꞌcaro weronojõta tja. Beꞌro cʉ̃rẽ wãmeyecãrã niwã.