Popular Bible Verses from Epesas 6

Share

Nöbö mö mɨxɨña haña mɨd akuyöbö pɨsaŋ nuö nuö rɨmɨdölöl. Kɨjaki ragwo as ap gwogwo akuyöbö nöbö dib ñɨŋa il hörɨrör adöx yöd röul adö kau sö nugwidɨx mɨdön pɨxmag yuö yönmɨdöi akuyöbö pɨsaŋ nuö nuö rɨmɨdöla.

Inöma nuŋ rɨba ñɨgö nölaŋ nugugɨrön, God nugwo mönö adö hörɨrör yad nugu gɨrön mɨjöña. Ñɨŋ rɨbyöx gɨba alɨg mɨdön, mɨ ususör rön, Krais nöbö mö mögörɨb adadö mɨdöi bla magalɨg God nugwo öim öim höjöpal gɨrön mɨjöña.

Kɨjaki anɨŋ öim rɨ gwogwam rɨba ra aku, ömdö wome ap God anɨŋ nölmɨd bla magalɨg pɨ röbön, ödöi römö aku lɨgɨna nɨgön mɨd ri ab gɨ mɨjöña.

Makwam, ömdö wome ap God anɨŋ nölmɨd bla magalɨg pɨ röbön nɨg ri ab gɨ mɨdɨŋ mönö, kɨjaki nöbö mö mɨ rɨ gwogwam cön wop aku haŋ, mɨ ususör rön algör mɨdɨŋ, ap bli ñɨgö rɨb maga nɨgen.

Hölun mea rɨg ragmɨdöi mag akuyöbö, God anɨŋ nugwidɨx mɨjönɨŋö, rön, nugwo rɨbyöx nugw pɨ gɨr mɨdɨŋ mönö, nuŋ raŋ Nöbö Gwogwo wome nuŋwa rɨn röxg yön gɨ mɨdaŋ piön piaku aŋadö wöröxaŋ. Rɨba paŋ akwör yöxön hölun röxg rag gɨ mɨdɨŋ. Usaŋ ölɨsö mea nɨgmɨdöi mag akuyöbö, God ñɨgö uliöxön kömö pɨmɨd mag akuyöbö, pɨ yöcmac sö usaŋ mea röxg nɨg gɨŋ mɨdaŋ. Yu mɨxɨl ölɨsö pɨrag dumɨdöi mag akuyöbö, God Inöma yu mɨxɨl ölɨsö mea ñɨgö nölmɨd aku, yu mɨxɨl ölɨsö mea röxg pɨrag duŋ. God Inöma yu mɨxɨl ölɨsö aku God Mönö mag nuŋwa mɨ.

Makwam, God Mönö mɨ mag aku, amanö nag röxg pɨx nɨg ri ab gɨŋ mɨdaŋ. An piöñɨŋö, rön, öim mag ödöriö rɨb mag aku, ap uñ ölɨsö rɨg röbmɨdöi ap akuyöbö i röxg, pɨ pɨbɨl ñɨŋa nɨg gɨŋ mɨdaŋ. Yam uñ röbmɨdöi mag akuyöbö, God pɨsaŋ nɨgiö nɨgön mɨdɨb mönö wä aku pɨrag duŋ. Nöbö mö bli ñɨgö mönö mag wä aku yad nölɨba öim rɨ pɨdɨlu ri ab gɨ mɨdön, rɨba paŋ akwör yöx nugwön yam uñ röxg röb gɨŋ mɨdaŋ.

Mönö yad rɨba pörɨba rɨmɨdɨl kɨ nugw ri aböña. Nöbö Diba cɨrɨpɨŋ, ölɨsö nuŋwa ñɨgö nölaŋ.

God mönö akuyöbö ragpɨd sö yadöŋ aku yadön yadöŋa, “Nuö nuöm ñɨŋ bla pɨ ri abön, rɨg yajöñ mag akwör cɨnö,” röŋa. Makwam God mönö akwör yadön mönö i kwo yadön yadöŋa, ñɨŋ aiöñ aku, nɨ ñɨgö ap wä i nöinö, röŋa. God yadöŋa, “Aliö almɨjöñ aku, rɨmɨg wöröxeñ; mögörɨb rol il kɨ mɨxɨl magi mɨdön, mɨd ri aböñɨŋö,” röŋa.

Ñɨŋ halöu ha bla, Nöbö Diba mai dumɨdöi aku, nuö nuöm yajöñ mönö aku yöxön mai diöña. Mɨ mag wä ada maku.