Popular Bible Verses from 1 Kirinti 11

Share

Kasap neu, eŋe wain lase okange, yaleka ma more rake, “Lase iwao weŋemne metmaike, eyaŋo Kaisale wane siwa siwap me tako rakot muselane qesiŋ, na noŋom weŋemneŋo ma wakone motmaile, eya nekei rokop naŋane dereret ge more ne arikei.” Yesu wane don eyaŋo iwa yale sikanŋonmaike, ŋine naso baŋem kasap iwa nekei, so lase iwa ŋine wain nekei, rokop Waom Yesuŋo wikile make so detke, so seuseuinane don kisi weneŋ ra qelaŋane ge mageu Waom eŋine sari lotkeyake.

Na Waom wano ŋine don makole, eya yaleka ŋine kito ŋidangole, eya wane done iwa yale pamaike, Yudaŋo Waom Yesu siron qeki makoi, ruwo yewao Waom Yesuŋo kasap make. Paki Kaisale bakomine kito eya mapoke more rake, “Iwa naŋane bikumne, ŋine qesiŋ ŋuniyakane ŋibonikale. Naŋane dereret ge more yale nekei.”

Eso yalinane mo, mane eŋe eŋine wetinane kine detkaki paki, ŋado kasap ne more laseo ŋine wain neyake, onoka wane, ŋei eŋe Waom wane bikuminane kine mi detluke malipka more bikumine ne more laseo ŋine wain yaup neki paki eŋine sotine ne wakonmaike. Pakimo Waomŋo mo manerop okankayake.

Eya wane mane eŋe Waom wane ŋara me laseo ŋine wain mi detluke mabaike more qazaŋ neyake, eŋe Waom wane bikum so Waom wane weŋemine eya ne siuke sotkorop okaniyake.

Noŋo Kristo wane numao gesoke mogare ari okanmaile, eso ŋine yaleka naŋane numa yewaka gesoke mogatnanikei.