Popular Bible Verses from Roma 4

Share

Ye Anutungo wiac miudeac deseriec, imocac negengyohoc mong mi amma serima negensinggema kecma Anutu afehekefec. Nga Anutungo yoac deserimiecmoc imoc meudeac imocac kuha soha femiec, Abrahangngo ifi negentegecma negenseriec.

Nga Abrahanggac negensima yofi oho ohoya fede, “Ni faiguai, imoc ge ngicngacareng homac yeneac kisicngina ambesannec.” Nga Anutungo ngic homemea megboriyunuande nga wiac mong mi fede, imoc bic fede, ifi isoc ye imoc dema kpara kparu fingecande. Ifiac amma Abrahang ye nenang mannina, imoc Anutuac kicfu nga negen negensinggac sinnu.

Nga nenang sing feraheing, imocac amma ngicngac yeneng Yesu homecfu faigec. Nga Anutungo dindingac denemmeudeac Yesu homecfunac monggoc megboriu yarec.

Yeng gboricgoc anudeac siriha mi kefec, kpac. Nga ye Anutu negensinggeecac ngicngacareng homac yeneac kisicngina anec. Imocacnoc yoac yofi bic dedea feec, “Bangecfocga yeni homac yombong, kpete imocacsoc fingecbesandae.”

Abrahang ye ngicngac dedeseriyoac mekecdae, yeneac mangngina. Amma ye ngicngac negen negensing yeac isoc feyemmede, ye ngic ifia, yeneac manggac. Nga Abrahanggac bangecfora sasawa yeni dedzegeac yoac naric megecdeac imoc wosoefacac bageau feu negen negensingnginaac amma megecde.

“Ngicngac goa yeni singyoac kpema kecmagec Kebungo manganangina wayemmema kopocsicngina semeyemmeec, yeni kenecnginagoc. Nga KEBUNGO ngic monggac kopocsihaac kpete mi meude, ngic imoc ye kenehagoc.”

Neni mitikibiu yofi osoandimbe, “Abrahang ye Anutu negensinggeecac amma, yeng yeac ngic dindingac demiec.”