Popular Bible Verses from Bangec kisiu 14

Share

Nga ngeni KEBUAC yoara kpekecma ebic meficgedae. Ngeni faka mangana imoc wayombonggebisia. Amma ngeni bangec imocac ngicngac yeneac kengec amma mi kecbisia. Nenang yunukporac naric ayemmenide, imoc wiac efea anude. Yeneac memeficngina imoc bic meickeec nga KEBUNGO nenanggoc kecma meficnunuude, imocac ngeni yeneac mi kengecngunubeso.”

KEBU ge herebugaac kuha garenggekecnec imoc bic mi fingecande, nocac ge yoac dedzege amma imoc modackecnec. Amma ngicngac angammemengina mangana amma goa memanganeyunugec nga singyoac kpegec ge yeneac kopocsic waannec. Nga ge kopocsicngina eng mi wanade. Imoc yofi, manggac yeni angammemengina mangana amma goa memanganeyunukecgec, geng imoc nambaracfocngina nga esangabofocngina yenearu turunga kpounade nga kpoubesannec.

Nga KEBUNGO nenanggac negenu ngereeudeu yeng naric imohai hesicnunuma bangec imoc nemmeude. Bangec imohai namu nga hanifosoc doku isoc hakecde.

Anu enactofoc tofohongicna Kalew yearu ine asu siriha mongngo wakema fede nga yeng angammemea sasawau ni modacnuma kecde. Imocac amma ni ye hesickema bangec kemma henec, bangec imoc faimiba yeac fingecsahe yeneng bangec imoc megecde.

Imocac yoac yofi edeyununa, ‘KEBUNGO yofi dede, Forangoc, ni kecduae. Imocac ngeni yoac degec kedzacnango negenai, imocac siricfu wiac angemmebade.

Henggec KEBUNGOMose yofi edeec, “Ni ngicngac yomoc botucnginau kucfaka hania hania meanduae, imoc sasawa henggec anu yeni ngadenuma kecdae, faka imoc ine mong mi wagecde amma mi negensinnudae.

Nga Isracelngicngac sasawa nga ngichabu hafoangoc yeni Mose nga Aharon yereac ubakpekpeyoac yofi deyecmegec, “Neni Aigitabangecfu kecma homebing imoc ngereebac! Me bangec kisi yomohai homebing imocngo naric ambac!

Nga Nun medaha Yehosuac amma Yefunne medaha Kalew yeri ngic bangec sufu sufu hennegeng anggec imoc yenearunac yeri wambangira maringirango mesurackeoc. Mesurackema Isracelac ngichabu hafoangoc yofi edeyunuoc, “Neni bangec sufu sufu hennegeng annideac ferecgema kening imoc bangec gombunga yombong.

Amma ni kecyombonggeduae nga KEBU neac kibikperagitoango bangectoa bangec hafoangoc sokodacma fede. Nga ni yofi ayemmebade, Ngic sasawango neac kibikperagina henggec amma Aigitabangecfu nga bangeckisiu negensinggegecdeac faka morora mema edzacngunuba imoc hengkecgec, yenennoc faitobannu fainuma ubaudumennaac kedzac mi kpegec, imoc naso ten ande. Nga bangec yemmebadeac kisicfocngina deserima edeyunuai imoc yenearunac ngic mongngo yenearunac naric mi henude. Yeni ngadenuma kecgecac yenearunac mongngo bangec imoc naric mi henude.