Popular Bible Verses from Mata 24

Air sgàth 's gum bi mì‑riaghailteachd air a meudachadh, fuaraichidh gràdh mhòran, ach bidh an neach a leanas air chun na crìche air a shàbhaladh.

Agus bidh an soisgeul seo aig an rìoghachd air a shearmonachadh air feadh an t‑saoghail gu lèir, mar fhianais dha na nàiseanan uile, agus an uair sin thig an deireadh.

Agus cluinnidh sibh mu chogaidhean agus fathannan mu chogaidhean. Thoiribh an aire nach bi sibh fo dhragh, oir feumaidh seo tachairt, ach chan eil a' chrìoch ann fhathast.

Oir èiridh nàisean an aghaidh nàisein, agus rìoghachd an aghaidh rìoghachd. Bidh gortan agus crithean‑talmhainn ann an iomadh àite. Chan eil annta seo uile ach toiseach tòiseachaidh phiantan asaid.

Thèid nèamh agus talamh seachad, ach cha tèid mo bhriathran‑sa seachad idir.

Oir thig mòran nam ainm‑sa, ag ràdh, ‘Is mise an Crìosd,’ agus meallaidh iad mòran.

“An uair sin bheir iad thairis sibh gu àmhghar agus cuiridh iad gu bàs sibh, agus bidh fuath aig a h‑uile nàisean dhuibh air sgàth m' ainme‑sa. Agus an uair sin tuitidh mòran air falbh agus brathaidh iad càch‑a‑chèile, agus bidh fuath aca dha chèile. Agus èiridh mòran fhàidhean brèige agus meallaidh iad mòran.

Agus fhreagair Ìosa iad, “Thoiribh an aire nach meall neach sam bith sibh.

Air an adhbhar sin, feumaidh sibhse cuideachd a bhith deiseil, oir tha Mac an Duine a' tighinn aig uair nach eil sibh a' sùileachadh.

“Mar sin, dèanaibh faire, oir chan eil fios agaibh dè an latha air an tig ur Tighearna.

“Ach a thaobh an latha sin no an uair, chan aithne do neach sam bith, fiù 's ainglean nèimh, no am Mac, ach dìreach an t‑Athair a‑mhàin.

Oir èiridh crìosdan brèige agus fàidhean brèige is nì iad comharraidhean mòra agus iongantasan, airson 's – nan robh e an comas – fiù 's an fheadhainn thaghte fhèin a mhealladh.

Oir mar a bha làithean Nòah, mar sin bidh teachd Mhic an Duine. Oir mar anns na làithean ron tuil, bha iad ag ithe 's ag òl, a' pòsadh 's a' toirt ann am pòsadh, gus an latha san deach Nòah a‑steach dhan àirc, agus nach robh sìon a dh'fhios aca gus an tàinig an tuil, is thog i leatha iad uile. Mar sin bidh teachd Mhic an Duine.