Popular Bible Verses from El Apocalipsis 22

Share

Te maa rin kuu jaxtnañuꞌu vi jasandiꞌi, ja ni skejaꞌa vi jaxndiꞌi, nuu jinkondee vi nuu skundiꞌi ―kachi ya.

Yun te kachi Jesús: ―Vi kinuu guaꞌa, chi ñama ndii rin, te kindaꞌa rin ja vi kutaꞌu in in ñayiu, nakuu nakuu na tniuu ni ka saꞌi.

Te Espíritu ia Dios vi ñayiu maa ya ka kui na kuinio suchi siꞌi ja vi tnandaꞌa jin Lelu ya ka kachi: ―Neꞌe ni. Te na ñayiu nini tnoꞌo yaꞌa na kaꞌin: ―Neꞌe ni. Te na ñayiu yichi, te kuini ja koꞌi ndute, na kiꞌin nuu ya, te suaꞌa ni niꞌi uin ndute koꞌi, te kotekui nikuii nikani.

Te na taꞌu na ndetu ñayiu ka ndakate saꞌuin ja vi koo vii nuu yika kuechi, chi vi niꞌi kiti vixin kuun yutnu taa ja kotekuo ja vi kai, te kuu kiukuei yeꞌe ja vi koi ñuu yun.

Te kachi Jesús: ―Vi kinuu guaꞌa, chi ñama ndii rin, te na taꞌu na ndetu ñayiu tavaꞌa tnoꞌo ia Dios ja yoso nuu liuru yaꞌa ja kaxtnoꞌo nagua kokuu ―kachi ya.

Te ma koo ka jakuaa ñuu yun, te ma vi kojiniuꞌu ka ñayiu vi koo yun ñuꞌu ja koyeꞌe nui, ni ndaꞌa nikandii ja koyeꞌe, chi maa Jitoꞌo Dios kosieꞌe, te vi kotatnuni nikuii nikani.

Te ia ndakani ndaa tnoꞌo yaꞌa kachi: ―Ja ndaa ndija ja ñama ndii rin. Saa na kokuu. Neꞌe ni, vi Jitoꞌo san Jesús. Te maa Jitoꞌo Jesukristu na koto na kuni ña ya jin ndiꞌi ni. Saa na kokuu.

Te ndiꞌi ñayiu ka nini tnoꞌo ia Dios ja yoso nuu liuru yaꞌa ja kaxtnoꞌo nagua kokuu, chindetu san jin, ja nuu ja ndee ñayiu ndasonee ka in uu tnoꞌo saa nagua yoso nuu liuru yaꞌa, te konaꞌi ja suni saa ndasonee ka ia Dios tnundoꞌo tnaꞌi saa nagua yoso nuu liuru yaꞌa. Te nuu ja ndee ñayiu kindee in uu tnoꞌo ja yoso nuu liuru yaꞌa ja kaxtnoꞌo nagua kokuu, te suni saa ni ndakindee ia Dios kiti vixin kuun nuu yutnu taa ja kotekuo ja ma kuu vi kai, te ma kuandetu ya ja kiukuei ñuu ii, nagua yoso nuu liuru yaꞌa.