Popular Bible Verses from Salmos 25

Share

Kondeka ña ni ja na kaka san ichi ndaa ni, te kaxtnoꞌo ni nuu san, chi maa ni kuu ia Dios san ja skaku niꞌnu ña ni, te ndetu kaꞌnu ña san jin ni ndiꞌi ni kiuu.

Xneꞌe ni ichi ni nuu san, vi Jitoꞌo san, te kaxtnoꞌo ni ichi kuiñi ni ja na kaka san.

Te kaꞌan vii kaꞌan vaꞌa ña Jitoꞌo jin ñayiu ka yuꞌu niꞌnu ña jin ya, te kaxtnoꞌo ya nui naxa oo tratu ni saꞌa ya.

Te ma kondakaꞌan ni yika kuechi san vi jakueꞌe ja ni saꞌa san nuu lule san, su konaꞌa ña ni jin san nagua ndaꞌu ini ni, chi ia guaꞌa kuu ni, vi Jitoꞌo san.

Chi jandaa ja ni in ñayiu ka ndetu kaꞌnu ña jin ni, ma vi kendoo kanoo saꞌuin, su na vi kendoo kanoo ñayiu ka ndakoo siki ni, visi masu nagua kuu.