Popular Bible Verses from Proverbios 3

Share

Kukanu ini Jitoꞌo ndiꞌi ron jin anu ron, te ma chituu ron maa ron jin ja jinkuiꞌnu ini ron. Kuꞌun ini Jitoꞌo nuu ndiꞌi ichi jika ron, te maa ya ndasandaa ichi chindaa jika ron.

Ma kokuu ron ñayiu ndichi jin ja ndakani ini maa ron, koyuꞌu niꞌnu Jitoꞌo, te kujioo nuu jakueꞌe.

Chiñuꞌu Jitoꞌo jin ja nevaꞌa ron, te soko nuu ya jaxtnañuꞌu ja kee nuu ñundeꞌi jitu ron. Saa te vi kuꞌun chitu ndevaꞌa saka nuu ñuꞌu ja jitu ron, te vi suaꞌa jati nduxi uva nuu juꞌni ron ti.

Te ma kujioo jandaꞌu ini ia Dios vi tnoꞌo ndaa ya nuu ron, te tnaa sukun ron na kuinio in ja ñuꞌu sukun, te tee tnoꞌo ya ini anu ron.

Te ma skexiko ron, vi seꞌe, nuu tnundoꞌo ja ndakanu ichi ndaa ña Jitoꞌo, te ma tunini ron nuu kuxeen ya nuu ron. Chi tetniuu Jitoꞌo tnundoꞌo nuu ndakanu ichi ndaa ña ya jin ñayiu kutoo ya, nagua saꞌa tata nuu kani de seꞌe de ja kutoo de nuu ndakanu ichi ndaa de.

Ma ndunaa ini ron tnoꞌo ni kaxtnoꞌo rin, vi seꞌe, te tavaꞌa nuu anu ron tnoꞌo tatnuni rin. Chi saa, te koteku ron kuakuaꞌa kuia, te koo vii koo vaꞌa ron.

Na taꞌu na ndetu ñayiu nukuꞌun tnoꞌo ndichi vi ñayiu niꞌi ja jinkuiꞌnu ini. Chi jaguaꞌa ka kuu ja ni niꞌi jin yun, masu jin plata, te kuaꞌa ka ja niꞌi jin yun, masu jin oro vii. Chi yaꞌu ndevaꞌa ka ndee tnoꞌo ndichi yun saa yuu vii ndevaꞌa, te ni in ja jioꞌo ron ma kuu skintnaꞌa inuu jin ron.

Ma kokuu ndeꞌe ini ron, nuu jikan ñayiu in jandiuxi nuu ron, nuu ja nevaꞌa ron ja kuñaꞌa ron.

Chi jin jandichi maa Jitoꞌo, te ni saꞌa ya ñuyiu. Te jin ja jinkuiꞌnu ini ya, te ni saꞌa yutnu ya andivi.