Popular Bible Verses from Proverbios 29

Share

Ja yuꞌu ñayiu inka ñayiu kuu na kuinio in ja skanakau ña jin. Su ñayiu kukanu ini Jitoꞌo, chi koo guaꞌi.

Nuu ja tu na ñayiu skuni ña ia Dios naxa kokuu, te yaꞌa yun ni ja ka saꞌa ñayiu ñuu. Su na taꞌu na ndetu ñayiu skunkuu Ley ia Dios.

Ñayiu vasa, chi jandetui nani guaa saꞌi nuu kiti ini. Su ñayiu ndichi, chi kundei jaꞌnu niꞌnui mai.

Nuu ka kani ña vi ka kuxeen nuu in suchi kueli, chi kuu ndichi. Su seꞌe ja ka jandetu ja saꞌi nagua kuini mai, chi jiñaꞌi jakanoo nuu nanai.

Ndakanu ichi ndaa ni seꞌe ni, te ndatatu anu ni vi kosii ini ni.

Ñayiu saꞌa teyii mai, chi kee ndaꞌui, te ñayiu saꞌa ndaꞌu saꞌa kee ni, chi koo jayiñuꞌu nui.

Ñayiu yachi ndevaꞌa ini, chi jaxin tnaꞌi jin ñayiu, te ñayiu kiti ini, chi kuaꞌa yika kuechi saꞌi.

¿A jini ron in tee ja ñama kaꞌan de, te tu ndakani guaꞌa ini de? Te kondetu kaꞌnu kao nuu in tee vasa saa nuu tee yun.