Popular Bible Verses from Proverbios 22

Share

Kaxtnoꞌo ni nuu in suchi luluu ja na kakai ichi ndaa, nagua ja visi ja ni kuu nijaꞌnui, te ma kujioi nuu ichi yun.

Vi niꞌo jakuika vi jayiñuꞌu vi jakotekuo, nuu ja vi saꞌa ndaꞌuo mao, te vi koyuꞌu niꞌnuo Jitoꞌo.

Guaꞌa ka kuu ja koteku tnoꞌo ja ñayiu guaꞌa kuo, masu ja konevaꞌo kuaꞌa jaguaꞌa. Te suni guaꞌa ka kuu ja vi kaꞌan guaꞌa ñayiu jion, masu ja konevaꞌo plata axi oro.

Ma kondeka tnaꞌa ron jin ñayiu inu yachi ini, ni ma vi nitnaꞌa ron jin ñayiu ka kiti ini.

Koo vii koo vaꞌa ñayiu vaꞌa ini, chi jiñaꞌi joo ja jai nuu ñayiu ka kundaꞌu.

Ñayiu jini nagua kuu, chi nuu jini ja vaji jakueꞌe, te kujioi. Su ñayiu tu jini naxa saꞌi, chi yaꞌi kuaꞌin, te tnaꞌi tnundoꞌo nuu jakueꞌe yun.

Ñayiu kuika, chi ka tatnuni nuu ñayiu ka kundaꞌu, te ñayiu ndita, chi jinokuechi nuu ñayiu jiñaꞌa nuu.

Inuu ni ka kuu ñayiu kuika jin ñayiu kundaꞌu, chi ndi ndui ni saꞌa maa Jitoꞌo.

Ma suꞌu ron ñayiu kundaꞌu, chi kundaꞌui, ni ma xndaꞌu ron ñayiu tnaꞌa tnundoꞌo nuu kiꞌin nuu tee netniuu ja kundaa kuechi. Chi maa Jitoꞌo kaꞌan niꞌnu ja jaꞌa ñayiu yun te ndakindee ya ja jichi ja kanda ñayiu ka suꞌu ña yun.