Popular Bible Verses from Filipenses 2

Share

Ma vi saꞌa ni in tniuu ja vi saꞌa teyii ni maa ni, axi ja vi kendoo vaꞌa maa ni. Vi saꞌa ndaꞌu ni maa ni, te vi kani ini in in maa ni ja sava ka ñayiu, chi ka kuu naꞌnu kai saa maa ni. Te ni in ni ma vi nduku ni ja vi kendoo vaꞌa maintnoꞌo maa ni, chi suni vi nduku ni ja na vi kendoo vaꞌa sava ka ñayiu.

Te in in maa ni, vi ndakani ini ni nagua ni ndakani ini Jesukristu.

Chi visi inuu ni kuu ya jin Tata Dios, su tu ni nduku ya ja koo ya jin ndiꞌi jayiñuꞌu oo nuu ia Dios. Chi suaꞌa ni xndendoo ya ja ni okuu kaꞌnu ya, te ni nduu ya in tee jinokuechi, ja ni kaku ya nagua ka kaku ndiꞌi ñayiu ñuyiu. Te nuu ni nduu ya in teyii, te ni saꞌa ndaꞌu ya maa ya, te ni jantnoꞌo ya nuu ia Dios guaa ndee nuu ni jiꞌi ya, visi ni ka jatakaa ña jin ya in yika cruz.

Chi Dios kuu ia saꞌa ja ka kii ini ni ja vi saꞌa ni, vi ja vi saꞌa vaꞌa ni nagua kuini maa ya.

Te yun guaa ni saꞌa kaꞌnu ña ia Dios jin ya ja kuu ya in ia kaꞌnu ndevaꞌa. Te ni jiñaꞌa ya in sivi ja kuu kaꞌnu ndevaꞌa ka nuu ndiꞌi sivi. Nagua ja jin sivi maa Jesús, te vi jinkuiin jiti ndiꞌi nagua ka oo andivi, vi ñayiu ka oo ñuyiu, vi ndiꞌi nagua ka oo chii ñuꞌu ja vi chiñuꞌi nuu ya. Te saa nagua ja ndiꞌi ñayiu vi ndaa yuꞌu, te vi kaꞌin ja Jesukristu kuu maa Jitoꞌo, nagua ja vi konei jayiñuꞌu nuu Tata Dios.

Te vi saꞌa ni ndiꞌi yaꞌa, su ma vi kokaꞌan kuechi ni, te ni ma vi kotee tnaꞌa ni, nagua ja ni in ñayiu ma vi nukuꞌun yika kuechi ni ja ka kuu ni ñayiu ndaa, te vi xneꞌe ni ja seꞌe ia Dios ka kuu ni, vi ñayiu vii neꞌu ñayiu neꞌe ñayiu yichi yun. Te neꞌu ñayiu yun vi koyeꞌe ni na kuinio kimi ja ka yeꞌe ti andivi tnoꞌo jakuaa

Nuu saa, vi ñani vi kuaꞌa ja kaꞌan too ña san, nagua ni ka ojantnoꞌo ni tnoꞌo ni kaxtnoꞌo san nuu ni ka oo, te vi kuantnoꞌo guaꞌa ka ni vitna ja oo jika san, te vi kondiꞌni ni ja vi kaka ndaa ni jin tnoꞌo ja ni skaku niꞌnu ña ya jin ni, te vi saꞌa ndaꞌu ni maa ni ja ka yuꞌu niꞌnu ni ya.