Popular Bible Verses from Isaías 59

Share

Chi jakueꞌe ja ka saꞌa maa ni saꞌa ja ni ka kusiin ni jin ia Dios, te yika kuechi ka saꞌa ni saꞌa ja ni chiyata ña ya, te tu nini ya tnoꞌo ka kaꞌan ni.

Ma vi kokaꞌan ni ja ni nduu kuiti ndaꞌa Jitoꞌo, te ma kuu ja skaku niꞌnu ña ya, te ndesi soꞌo ya, te ma kuu ja konini ya tnoꞌo ka kaꞌan ni.

“Te yaꞌa kuu tratu ja saꞌa rin jin ron”, kachi Jitoꞌo, “Taa rin Espíritu rin ja vi koo jin ron, te tnaa rin tnoꞌo rin yuꞌu ron, te ma kujioo nuu yuꞌu ron, ni ma kujioo nuu yuꞌu ndikin tata ron, ni nuu yuꞌu seꞌe ndikin tata ron, ndee vitna vi nikuii nikani”, kachi Jitoꞌo.

Te ndiꞌi ñayiu vi yuꞌu niꞌnu Jitoꞌo, ndee ñayiu ka oo ichi nuu kee nikandii vi ndee ñayiu ka oo ichi nuu jinonta nikandii, nuu vi kuni ja yeꞌe tajan ya. Chi kikuei ñayiu ka kaꞌan uꞌu ña, na kuinio in yute nuu kee teñuꞌu, te kuiso ña nuu tiutachi ña Jitoꞌo.

“Te kii ia skaku niꞌnu ñayiu ñuu Sión vi ndiꞌi ndikin tata Jacob ja ni ka ndatnaꞌu ini nuu jakueꞌe ka saꞌa”, kachi Jitoꞌo.