Popular Bible Verses from Ɓëfilip 2

Share

Ɓanayindën do nëkonindënëɓi ɓëcandaw̃ ɓëŋ ang ɓër xwuca këŋun ekëɓën fo. Ỹoweỹ këren dind na gë ambañëra, ɓëte ỹoweỹ këren dind na gë ndafënan. Ala kala ɓalindëleŋo end ɓoŝandaw̃ eŋ, këreŋo ɓalënd na ɓend gaf irexëm fo.

Ang hi kën ak, ɓanjëlan ɓandewën ɓaŋ gindëlex ang ɓand Yesu Kërisët ak

Ado ga hi këni ola oɓat gë Kaxanu, abaxo xemëna na exo masinaya gwër fo gë Kaxanu. Ɓarikan mëŋ dëŋ seɓayak ɗek er hi ko in exo gixën xaɗëp, ata ola orexëm ol hik ang or ɓela ak, owati orexëm ol ang ala ar toc fo bax. Gë andexëm ɓana baxo xali w̃a ko exo cës, ecës ed mopika gër kërëwa el.

Kaxanu këŋun yëlënd oñandi ok do gë ojaw̃ od en dixënënd ɓend h̃an ko mëŋ ɓeŋ.

Gayikwa mondako ri ko, Kaxanu ŝuɗ këŋo owun ol, do yël këŋo ow̃ac or nëmëcak ɗek ow̃ac or ex yo, eni poxixënënd ɗek ɓela ɓën gër lëngw irexëm do eni ɗuwaxënënd ow̃ac or Yesu hi këni ɓër gër orën, hi këni ɓër gër ebar ba ɓër ɗila gër ebar. Do ala kala gë eyeƴan end enëng endexëm el, ko ỹana exo dend mëne Yesu Kërisët ex Axwën an, do ar gë enjaran end Kaxanu an. Ata mondako këno ỹana eno ɗuwand ɓëte Faba Kaxanu.

Diyindën er hik yo gë odendëran këm, gë ecampëre këm. Ata kën hi ɓër gë end kënëɓi nëp këm do ɓëw̃ënëk, oɓaŝ or Kaxanu or ŝenene, en watixënënd ang ow̃al fo mërëxand ir ɓela ɓësëmbak, do ɓëỹëŋënax ɓër gër ngwën ro

Wën ɓëmaỹe ɓënd ke ɓalënd mbaŋ ɓëŋo, gayiyako din këne wëlënënd, wëlënindëne nëmëc gërëgako nand këne watërënde na, ax gi ex na nand ɓayik ane watërënde na fo. Awa canayayindëlex gër ola orewën mëne afex fex kën gë epëɓ el, do gë eyëda ed Kaxanu el.