Popular Bible Verses from MAT 7

Share

«Ai wa a matara foyi la, ai ri wo sɔrɔn; ai wa foyi ɲinin, a ri a sɔrɔn; ai wa da makonkon, a ri laka ai yɛ.

Baa mɔɔ si wa foyi matara, a ri a sɔrɔn; mɔɔ wa fen ɲinin, a ri a sɔrɔn; mɔɔ wa da makonkon, a ri laka a yɛ.

«Nba, mɔɔ mɔɔ wa a tolo malɔ n na kuma la, ka wo labato, wo tii ri kɛ ikomin cɛɛ famunyani mɛn ka a la bon lɔ fara kan.

Wo rɔ, ai ye a fɛ mɔɔilu ye ko mɛnilu bɛɛ kɛ ai yɛ, ai jɛrɛ ye woilu ɲɔɔn kɛ ii yɛ, ka a masɔrɔn wo ye sariya ni kelalaselailu la sɛbɛli dafanin de.»

Kɔni sila mɛn ye wala ɲenemaya rɔ, wo don diya dɔɔman. Wo sila taama gboman. A sɔrɔnbailu fanan ma siya.

«Ai ye don don diya dɔɔmanni fɛ, baa sila mɛn ye wala mɔɔ halaki diya ma, wo don diya ka bon. Sila wo taama duman. Mɔɔ siyaman ye wala sila wo le fɛ.

Nba, ni aile, adamadenilu mɛn ka juu, ai kusan fen ɲuma dila ai denilu ma, wo gbɛnin de an Fa Alla mɛn ye sankolo rɔ wo ri fen ɲumailu di a mataralailu ma!

Isa tora kumala ko: «Ai kana mɔɔ kiti, sa ai fanan kana makiti; baa ai wa mɔɔilu makiti ɲa mɛn ma, ai fanan ye kitila wo ɲa kelen de ma. Ai ye sumannifen mɛn jatela mɔɔilu yɛ, wo sumannifen kelen de fanan ye jatela ai fanan yɛ Alla bolo.

Kɔni mɔɔ mɔɔ wa a tolo malɔ n na kuma ɲin na kɔni a ma wo labato, wo tii ye ikomin cɛɛ nalonma, mɛn ka a la bon lɔ kiɲɛ kan.

Nfenna i ye ɲamanin mafɛnɛla i badenma ɲa ma, ka a tɛrɛn i tɛ fɛrɛn kɔrɔsila, mɛn ye i jɛrɛ ɲa ma? A ye di? Ka fɛrɛn to i jɛrɛ ɲa ma, i ri se a fɔla i badenma yɛ di ko: ‹I ye a to n ye ɲamanin wo bɔ i ɲa ma›?

«Ai ye ai jɛrɛ kɔrɔsi wuya kelalaselailu ma. Ii ye ii jɛrɛ kɛla ikomin saailu, mɛnilu ma juu, ka a tɛrɛn bakɔrɔn kuduilu le. Ai ri woilu lɔn ii la kɛwaliilu le fɛ, ikomin jiri ye lɔnna a den fɛ ɲa mɛn ma. A ye di? Mɔɔ ri se rɛsɛnden tɔnsɔn kadila nɔnbɔwɔninma la wa? Mɔɔ ri se toroden kadila jiri tunin wɔninma la wa? Wo kuma tɛ.

Jiri ɲuma bɛɛ ye den ɲuma le kɛla, kɔni jiri juu koron ye den koron de kɛla.

Jiri ɲuma ti se den juu kɛla, jiri juu fanan ti se den ɲuma kɛla.

Jiri mɛnilu tɛ den ɲuma kɛla, woilu bɛɛ ri tɛɛ ka lafili ta rɔ.