Popular Bible Verses from Roma 2

Share

Do, talo bee? Fama te o duꞌa mae, “Hatahori fo mana tao manggarauk kara, randaa hambu Manetualain huku-dokin.” Naa te o tao manggarauk sama leo sara. Tehuu nai o duduꞌam, o ta hambu Manetualain huku-dokin. Naa, ndia huun hata? Manetualain natudu dale susuen neu o ena. Ma Ndia dalen loan seli laꞌe-neu o tatao-nonoꞌim. Tehuu tao hata de o ta hosek neu sana? Fama te o ta bubuluk mae, Ana natudu dale susuen neu o, mita fo o laꞌo ela o sala-singgom mara fo fali muni Ndia muu.

O mamanene laꞌe-neu manggarauk mata-matak kara bebeik kara ia, hetu? Boe ma mete te o duꞌa mae, “Awii! Hatahorir raa manggaraun sudi selik kana ena!” Mete ma o duꞌa talo naa ena, na, besa-besa, ee! O mesa ngga oo manggarauk leo naak boe. Huu naa de o ta hambu dalak fo masalaꞌe aom mae, o ia, see. Mete ma o kokolak mae, hatahori laen nara manggarauk, de randaa hambu hukun, boso lilii-ndondou mae, o ndae salak neu o ao heli-helim boe. Huu o tao manggarauk talo naa boe!

Te Manetualain ta memete matak na!

Mete ma nau malole mia Manetualain, ta dai no kada nenene Ndia Hohoro-lalanen mesa kana. Hatahorir oo muste tao tungga Ndia Hohoro-lalanen boe, dei fo Ana nau simbok kasa. Boso kada mamanene a!

O leleo-lalaꞌom talo bee, na, neu ko Manetualain bala tungga hata fo o taok.

Tehuu Manetualain ta simbok hatahori fo mana tao manggarauk. Ana namanasa sara tebe-tebe, huu ara ralela kada laban a mesan. Ara ta tao tungga hata fo ndoos, huu ara kada tao tungga hata fo manggarauk a mesan.

Tehuu o ia, langga batuk ma ta nau nenene! Ma o ta nau laꞌo ela o sala-singgom faa boe na! Dadi o tao mala o huku-dokim tamba nambera bali. Neu ko mete ma dae-bafok fai mateꞌen ena, na, Manetualain nae timba-tai basa hatahorir leleo-lalaꞌon nara. Neu ko basa hatahorir bubuluk rae, Manetualain naketu hatahorir dedeꞌan no ndoos. Faik naa, Ana hukun berak neu o, nahuu Ana ta simbok o tatao-nonoꞌin nara.