Popular Bible Verses from Roma 11

Share

Huu basa-basan raoka numa Manetualain mai! Basan dadi, nahuu Ndia! Basa hata fo ita taok, ita taue-osa soa-neu Ndia. Ita soꞌuk kokoa-kikiok soa-neu Ndia, losa doon naa neu! Tebe talo naa!

Manetualain malelan seli! Ma Ana oo pake Ndia malelan fo tao hata neulauk boe. Ta hambu hatahori fo bisa nalelan no tebe-tebe. Ta hambu hatahori mana bubuluk no tebe-tebe, laꞌe-neu Ana naketu-naladi dedeꞌak. Ta hambu hatahori esa boe na ndia nalela, tao hata de Manetualain tao matak esa.

Ta hambu hatahori fo mana bubuluk no tetuk, ita Lamatuan duduꞌan. Ta hambu esa boe na bisa fee nenori-nefadak neu Ndia.

Leo naak oo hatematak ia boe. Ta basa hatahori Yahudir rasadea neu Manetualain. Bei ela baꞌuk ka ruma ai mai fo Manetualain here nala sara ena fo nae tao nasoi-nasoda sara, nahuu Ana nae natudu dale susuen neu ai, ta huu ai tao hata fo neulauk! Mete ma Ana muste here nala ai, nahuu ai tao hata fo neulauk, naa sosoa-ndandaan nae, Ana ta bisa naketu fo natudu, do, ta natudu Ndia dale susuen neu ai. Mete ma talo naa, ndia naden ta ‘natudu Ndia dale susuen’ bali.

Au ae akasasamak hatahori nusa Yahudi no ai huuk setun esa fo mana mori nai osi dale. Manetualain beta heni ai huuk naa ndanan ketuk ena. Tehuu ei hatahori ta Yahudir, sama leo ai setun fuir. Boe ma Manetualain beta nala ei ndanan ketuk ena fo nakadite sara reu ai huuk manai osi dale naa. No dalak naa, ndanak numa ai huuk manai osi deak mai bisa mori nasamusa, nahuu ndanak naa simbok basa-basan numa ai huuk manai osi dale mai. Naa, sama leo ei fo hatahori ta Yahudir oo simbok mala Manetualain dale susuen boe fo Ana nae feen soa-neu hatahori Yahudin nara. Tehuu besa-besa, ee! Boso koa aom, duꞌa mae, ei numa deak mai naa, neulaun lena heni ndanak kara fo Manetualain beta heni sara raa ena! Mete ma o mae soꞌuk aom, boso lilii-ndondou, te o kada ndanak esa a! O ta ndia tao matea ai huuk naa. Te okan ndia tao nala ai huuk naa natea na!