Popular Bible Verses from Mateos 12

Share

Mamahere neu Au! Neu ko dae-bafok fai mateꞌen losa, Manetualain parisa basa hatahorir dedeꞌan nara. Faik naa, hatahori esa-esak muste naselu-nataa ndia dedeꞌa-kokolan fo sosoan taak. De besa-besa, ee! Neu ko Manetualain timba-tai ei dedeꞌa-kokolam, de naketu nae, ei hambu huku-dokik, do taa.”

Eir ia, nok bali mengge mana puta-paik! Ei ta bisa kokolak hata fo neulauk kara. Huu hata fo neni nehindak nai hatahori dalen dale, naa ndia kalua numa bafan mai.

Hatahori neulauk, neu ko kokolak neulauk, nahuu hambu hata fo neulauk kara neni nehindak nai dalen dale. Tehuu hatahori manggarauk, neu ko kokolak manggarauk, nahuu hambu hata fo manggarauk kara neni nehindak nai ndia dalen dale.

Dadi nenene matalolole Au kokolang ia! Manetualain sadia koka heni hatahori sala-singgon nara. Mete ma hatahori kokolak ta neulauk neu hatahori laen, Manetualain bei sadia fee ambon neun. Tehuu mete ma hambu hatahori nambarani kokolak ta neulauk neu Manetualain Dula-dale Malalaon, Manetualain ta koka heni ndia salan naa.

Basa de Yesus kokolak nakandoo mbali hatahori Farisir raa nae, “Duꞌa matalolole! Ai huu neulauk naboa neulauk. Tehuu ai huu ta neulauk naboa ta neulauk. Numa ai huuk boan naa mai, hatahori bisa bubuluk nae, ai huuk naa, neulauk do taa.