Popular Bible Verses from Gintí 22

Share

Tab ḲHUDáWAND ne gadhí kí zabán khol dí, aur us ne Bal‘ám se kahá, Maiṉ ne tere sáth kyá kiyá hai, ki tú ne mujhe tín bár márá?

Tab ḲHUDáWAND ne Bal‘ám kí áṉkheṉ kholíṉ, aur us ne ḲHUDáWAND ke firishte ko dekhá, ki wuh apne háth meṉ nangí talwár liye húe rásta roke khaṛá hai: so us ne apná sir jhuká liyá, aur auṉdhá ho gayá.

ḲHUDáWAND ke firishte ne use kahá, ki Tú ne apní gadhí ko tín bár kyúṉ márá? dekh, maiṉ tujh se muzáhamat karne ko áyá húṉ, is liye ki terí chal merí nazar meṉ ṭeṛhí hai

Gadhí ne Bal‘ám se kahá, Kyá maiṉ terí wuhí gadhí nahíṉ húṉ, jis par tú apní sárí ‘umr áj tak sawár hotá áyá hai? kyá maiṉ tere sáth pahle kabhí aisá kartí thí? Us ne kahá, Nahíṉ.

Bal‘ám ne gadhí se kahá, Is liye ki tú ne mujhe chiṛáyá: kash mere háth meṉ talwár hotí, to maiṉ tujhe abhí már ḍáltá!

Phir jo gadhí ne ḲHUDáWAND ke firishte ko dekhá, to Bal‘ám ko liye húe baiṭh gayí: phir to Bal‘ám jhallá uṭhá aur us ne gadhí ko apní láṭhí se márá.