Popular Bible Verses from Marqus 4

Share

Us ne uṭhkar hawá ko ḍáṉṭá, aur pání se kahá; Chup rah, tham já: to hawá band ho gayí, aur baṛá amn ho gayá. Phir un se kahá; Tum kyúṉ darte ho? Ab tak ímán nahíṉ rakhte?

Aur wuh niháyat ḍare, aur ápas meṉ kahne lage; Pas yih kaun hai, ki hawá aur pání bhí us ká hukm mánte haiṉ?

Aur wuh ḳhud píchhe kí taraf gaddí par sotá thá; pas unhoṉ ne use jagákar kahá; Ai Ustád, kyá tujhe fikr nahíṉ, ki ham halák húe játe haiṉ?

Phir us ne un se kahá; Ḳhabardár raho, ki kyá sunte ho; jis paimáne se tum nápte ho, usí se tumháre wáste nápá jáegá, aur tumheṉ ziyáda diyá jáegá.

Aur us ne kahá; Ḳhudá kí bádsháhat aisí hai, jaise koí ádmí zamín meṉ bíj ḍále; aur rát ko soe aur din ko jáge, aur wuh bíj is tarah uge aur baṛhe ki wuh na jáne.

Agar kisí ke sunne ke kán hoṉ, to sun le.