Popular Bible Verses from Matí 6

Share

balki tum pahle us kí bádsháhat aur us kí rástbází kí talásh karo, to yih sab chízeṉ bhí tumheṉ mil jáeṉgí.

Pas kal ke liye fikr na karo, kyúṉki kal ká din apne liye áp fikr kar legá. Áj ke liye áj hí ká dukh káfí hai.

Is liye maiṉ tum se kahtá húṉ, kí apní ján kí fikr na karná kí ham kyá kháeṉge? yá kyá píeṉge? aur na apne badan kí, kí kyá pahineṉge? Kyá ján ḳhurák se, aur badan poshák se baṛhkar nahíṉ?

Balki jab tú duʻá máṉge, to apní koṭhrí meṉ já, aur darwáza band karke apne Báp se jo poshídagí meṉ hai duʻá máṉg; is súrat meṉ terá Báp jo poshídagí meṉ dekhtá hai, tujhe badla degá.

Pas tum is tarah duʻá máṉgá karo, ki Ai hamáre Báp, tú jo ásmán par hai; terá nám pák máná jáe; terí bádsháhat áe; terí marzí, jaisí ásmán par púrí hotí hai, zamín par bhí ho

hamárí roz kí roṭí áj hameṉ de

aur jis tarah ham ne apne qarzdároṉ ko muʻáf kiyá hai, tú bhí hamáre qarz hameṉ muʻáf kar

aur hameṉ ázmáish meṉ na lá, balki burái se bachá. [Kyúṉki bádsháhí aur qudrat aur jalál hamesha tere hí haiṉ. Ámin.]

Is liye ki agar tum ádmíoṉ ke qusúr muʻáf karoge, to tumhárá ásmáni Báp bhí tumheṉ muʻáf karegá.

Hawá ke parandoṉ ko dekho, ki na bote haiṉ, na káṭte, na koṭhíyoṉ meṉ jamaʻ karte haiṉ; taubhí tumhárá ásmání Báp un ko khilátá hai. Kyá tum un se ziyáda qadr nahíṉ rakhte?

Apne wáste zamín par mál jamaʻ na karo, jaháṉ kíṛá aur zang ḳharáb kartá hai, aur jaháṉ chor naqb lagáte aur churáte haiṉ; balki apne liye ásmán par mál jamaʻ karo, jaháṉ na kíṛá ḳharáb kartá hai, na zang, aur na waháṉ chor naqb lagáte aur churáte haiṉ; kyúṉki jaháṉ terá mál hai, wahíṉ terá dil bhí lagá rahegá.

Koí ádmí do málikoṉ kí ḳhidmat nahíṉ kar saktá; kyúṉki yá to ek se ʻadáwat rakkhegá, aur dúsre se mahabbat, yá ek se milá rahegá, aur dúsre ko náchíz jánegá. Tum Ḳhudá aur daulat donoṉ kí ḳhidmat nahíṉ kar sakte.

Pas jab Ḳhudá maidán kí ghás ko, jo áj hai, aur kal tanúr meṉ jhoṉkí jáegí, aisí poshák pahinátá hai, to ai kamiʻtiqádo, tum ko kyúṉ na pahiná degá?

Balki jab tú ḳhairát kare, to jo terá dahiná háth kartá hai, use terá báyáṉ háth na jáne; táki terí ḳhairát poshída rahe; is súrat meṉ terá Báp, jo poshídagí meṉ dekhtá hai, tujhe badla degá.

Ḳhabardár, apne rástbázi ke kám ádmíoṉ ke sámne dikháne ke liye na karo; nahíṉ to tumháre Báp ke pás jo ásmán par hai tumháre liye kuchh ajr nahíṉ hai.

Aur jab tum roza rakkho, to riyákároṉ kí tarah apní súrat udás na banáo, kyúṉki wuh apná muṉh bigáṛte haiṉ, táki log unheṉ rozadár jáneṉ. Maiṉ tum se sach kahtá húṉ, ki wuh apná ajr pá chuke. Balki jab tú roza rakkhe, to apne sir meṉ tel ḍál, aur muṉh dho; táki ádmí nahíṉ, balki terá Báp, jo poshídagí meṉ hai, tujhe rozadár jáne; is súrat meṉ terá Báp, jo poshídagí meṉ dekhtá hai, tujhe badla degá.