Popular Bible Verses from Yasa‘iyáh 30

Share

aur jab tú dahiní yá báíṉ taraf muṛe, to tere kán tere píchhe se yih áwáz suneṉge, ki Ráh yihí hai, is par chal.

Taubhí ḲHUDáWAND tum par mihrbání karne ke liye intizár karegá, aur tum par rahm karne ke liye baland hogá; kyúṉki ḲHUDáWAND ‘ádil Ḳhudá hai; mubárak haiṉ wuh sab jo us ká intizár karte haiṉ.

Kyúṉki Ḳhudáwand YAHOWáH, Isráíl ká Quddús, yúṉ farmátá hai, ki Wápas áne aur ḳhámosh baiṭhne meṉ tumhárí salámatí hai; ḳhámoshí aur tawwakkul meṉ tumhárí quwwat hai: par tum ne yih na cháhá.

Aur agarchi ḲHUDáWAND tujh ko tangí kí roṭí aur musíbat ká pání detá hai, taubhí terá mu‘allim phir tujh se rúposh na hogá; balki terí áṉkheṉ us ko dekheṉgí

Kyúṉki, ai Siyyúní qaum, jo Yarúshalem meṉ basegí: tú phir na roegí; wuh terí faryád kí áwáz sunkar yaqínan tujh par rahm farmáegá; wuh sunte hí tujhe jawáb degá.

ḲHUDáWAND farmátá hai, Un bág̣í laṛkoṉ par afsos, jo aisí tadbír karte haiṉ, jo merí taraf se nahíṉ; aur ‘ahd o paimán karte haiṉ, jo merí rúh kí hidáyat se nahíṉ, táki gunáh par gunáh kareṉ