Popular Bible Verses from Dáníel 4

Share

Aur in aiyám ke guzarne ke ba‘d maiṉ Nabúkadnazar ne ásmán kí taraf áṉkheṉ uṭháíṉ, aur merí ‘aql mujh meṉ phir áí, aur maiṉ ne Haqq Ta‘álá ká shukr kiyá, aur us Haiyu’l qaiyúm kí hamd o saná kí, jis kí saltanat abadí, aur jis kí mamlukat pusht dar pusht hai

Ab maiṉ Nabúkadnazar ásmán ke bádsháh kí sitáish aur takrím o ta‘zím kartá húṉ, kyúṉki wuh apne sab kámoṉ meṉ rást, aur apní sab ráhoṉ meṉ ‘ádil hai, aur jo mag̣rúrí meṉ chalte haiṉ, un ko zalíl kar saktá hai.