Popular Bible Verses from Хавакъкъукъ 3

Share

Инджир тереги ачмаса да, юзюм пытагъы емиш бермесе де, зейтюн берекет бермесе де, тарлада отьмек етишмесе де, къошта къойлар къалмаса да, аранда тувар къалмаса биле – эписи бир РАББИме къуванырым, мени къуртаргъан Аллама севинирим!

РАББИ-Таалям – меним къуветим! О, аякъларымны сыгъын аякълары киби тез япаджакъ ве мени юксек ерлерге алып бараджакъ! Баш чалгъыджы ичюн. Телли чалгъы алетлеринде.

Я РАББИ! Сенинъ ишлеринъ акъкъында эшиттим ве къоркътым! Я РАББИ! Бизим куньлеримизде Сенинъ ишлеринъни яп, олар бизим куньлеримизде корюнсинлер! Амма гъазабынъда мераметни акъылда тут.