Popular Bible Verses from Башланув 49

Share

Ехуданынъ къолундан акимиет таягъы тюшмез, аякъларынынъ янындан акимдарнынъ таягъы кетмез. Сонъ Шило келеджек, ве халкълар онъа боюн эгеджеклер.

Юсуф – махсулдар терекнинъ пытагъыдыр, чокъракъ устюнден оськен махсулдар терекнинъ пытагъыдыр. Онынъ пытакълары дивар устюнден осип кетелер. Окъчулар онъа душманлыкъ этип ве окълар атып, уджюм эттилер.

Лякин онынъ яйы даима къавий къала эди. Къолларынынъ къавийлиги – Якъупнынъ Кучьлю Алласындандыр, Чобаннынъ адындан ве Исраильнинъ Къаясындандыр, баба-деделеринънинъ Алласындандыр! О, санъа ярдым этер! О – Къудретли Алла, О, сени юкъарыдаки коклернинъ багъышлавларынен, ашагъыдаки буюк теренликнинъ багъышлавларынен, эмчек ве къурсакънынъ багъышлавларынен багъышлар!

Ехуда! Агъа-къардашларынъ сени макътарлар. Сенинъ къолунъ душманларынънынъ бойнунда олур. Агъа-къардашларынъ санъа къатланаджакълар. Ехуда огълум, сен яш арслансынъ, гъаниметинънинъ устюнден котерилесинъ. О, арслан дайын, ер устюнде пысып отурды – оны раатсыз этмеге кимнинъ джесарети етер?

Рубен! Сен меним биринджи догъгъан огълум, меним такъатымсынъ, акъайлыгъымнынъ ильк козьайдыны, дегер ве къудретнинъ юкъары нокътасысынъ. Сен сувлар дайын къутургъан оласынъ. Эндиден сонъ энъ буюк олмайджакъсынъ, чюнки сен бабанънынъ тёшегинде яттынъ ве тёшегини арамладынъ.