Popular Bible Verses from Kata Lom 5

Share

Bale muñeˈe Ateemit áhiisolaalumuu buu lafañolaalumuu eeno: Kilisita lakeeket boot li alolaal, ban no unnu alolaal baloŋaale kuhoofoola.

Kákangumaku kúkaaneliit an áyeko, mata Ateemit li Buyinumabu Banabaabu ban asenolaamuu, lákaanummuu húbooliyahu hoola li uyinumawu woololaal.

Li famen to foof ésuumansuumayi yan ubajaalemuu ololaal li sílaam, mata luhaasaale oonaal sílaam lakaanekaan an ayili húmuñ. Húmuñ li huliten káyinen kata an okila li sílaam, káyinenaku unku li kukaan an abaj kákangum.

Emmuu Ateemit lajokolaajok bukan kacole hákilool humum hata káyinenaku koololaal, muñeˈe lubajaale hujamoo li akila habilumulo li Amaaŋenawu. Li Yéesu Kilisita foof lúbajumaalumuu kájiyaku dán Ateemit akaanolaamuu li kabane humum hata káyinenaku koololaal. Wahawu wakaanewolaamuu ésuumansuum, wo wommuu kákangumaku kan ubajaalumuu kata min ulakowaal li máyiineniyamu mata Ateemit.

Li mal̥egenamu, nan ubajeenutaalumuu sembe, Kilisita li aket boot li alolaal jafañeenutaalumuu Ateemit, nan taŋayi yan Ateemit ajokumuu éliiŋumuu.

Húsimahu hata Kilisita háyuwimuu, hújiwolaaji li ukaanaal bukan kacole hákil Ateemit, háŋum min ammuu li afakenolaal li etindihuuñayi yata Ateemit.

Li mal̥egenamu, loon an ano átuulutumuu Ateemit ájimuu bukan kameeŋe li kulo li kahoofoo, mo foof an ano átuulumuu Ateemit ájimuu bukan kameeŋe li kulako bukan kacole hákil Ateemit.

Tíjut tó, lubajaabaj ésuumansuum li Ateemit yabilumulo li Amaaŋenawu oololaal Yéesu Kilisita, ájimuu li ujamoolaal muñeˈe li Ateemit.