Popular Bible Verses from Kata Efées 6

Share

Hutiikahu han oomaamuu li ho, inti eeniseen li bukan loomaal li ho, bale li uyinumawu wajakutumuu li kunahaanabuku kata wo, kaakumuu adunaayi inye yammuu li élimayi. Li oonowaal li hutiik li uyinumawu wata búl̥afutabu wammuu haatiya li emitayi.

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

Jiŋa’ ujunkowawu feh wan Ateemit asenemuu jooken, mantee li jiyili jitiik li Sayitaane li bakaanelabu boola feh.

Wahawu unwu újimuu, jiŋa’ ujunkowawu feh wan Ateemit asenemuu jooken, jakum bil heekuul li jitey, bale min jiyito lit min jitiik boot yok li húbanumahu.

Jíyinen nanoonan li Yéesu Kilisita. Káyinenaku kooluul li akila fan kunokoo loon ebangal, yammuu enaak ehok simeelaasu feh sata sambunasu san Sayitaane afuculemuu. Min Ateemit afakenuulumuu, nokoonokoo loon káhand kata mañ lasenuul jikaano min kúhimen húkowahu hooluul. Hulimahu hata Ateemit han jookumuu, hunokoonokoo loon ékundu yan Buyinumabu Banabaabu busenuul jítuk.

Kama jiyito lit. Jilako bukan kalobe mal̥egen, mata mal̥egenamu fan mulako husinjawumahu hooluul. Jilako bukan kacole, mata macolamu fan mulako loon kájufo kata mañ káhimene bagiŋabu booluul. Jihanken min jiwaale Hulimahu Hásuumaahu hasenemuu bukan kásuumaay. Jikaan momuu, fan nokoo loon kúkolobot kata asollaali jikaanowe.

Boot min íbanum li kulimaku unke: jíbajum sembe li Amaaŋenawu, li sembaasu soola sáamakasu.

Eluwaayi étinaalayi yanaboomuu li wah wan Ateemit aane fan akaan, yo yommuu inye: «Utúul atuubayi li jaawi, mantee li ulako li kásuumaay, ban li ubaj buloŋ babaake li etaamayi.»

Bañiilabe, joote jítuul sibukoolawuul humum hata hujokoolahu hooluul li Amaaŋenawu, mata muñaˈa jakumuu.