Popular Bible Verses from Kata Efées 1

Share

Lil̥awe mantee Ateemit li ahiiten uyinumawu wooluul, min jínaanum húkangumahu han asenuulumuu nan ahooñuulumuu, ban li jíhaasum tó foof buu wahawu wan Ateemit alobumuu kasen bukanabuku koola, utiinenimuu eeno. Lil̥awe foof min jihaas sembaasu sata Ateemit sahaŋumuu wahoowah feh, san aŋalemuu min alamben ololaal áyinenaalumuu li akila. Sembaasu unsu so Ateemit áhiisumuu, nan ayitenulomuu Kilisita li eketayi, ban li akaanool abah kaŋenool kúli li emitayi. Kilisita lahaŋe kuhaanaaku feh, kuwoogaku feh li kujojaku feh kata uyinumawu feh wammuu li emitayi maayeet min kite eenimuu kubabbaj sembe sáamak. Kajawaku koola kuhaŋe mabaj sembe kajaw kanookan feh boot nanoonan.

Ateemit lal̥usolaal̥us tówum adunaayi ejuul̥i, min ulakowaal bukan koola li hujokoolahu hoololaal li Kilisita, mantee li ulakowaal bukan koola kanabe ban li kucol hákilool. Húbooliyahu hoola hújimuu li ayinoo no ákibben kaanaku, fan ájowum li Yéesu Kilisita min akaanolaal ulakowaal bañoolool. Wahawu unwu lanongumuu min akaan, ban wo úsuumoolumuu.

Añoolool an aboolaatumuu akila ammuu Kilisita. Húsimahu hoola háyuwimuu nan aketumuu, ho laŋammuu min ahal boot li alolaal, min Ateemit abonket uhoofoolawu woololaal. Muñowu lakaanumuu min áhiisolaal buu lásuumumuu eeno.

Usalaal Ateemit! Okila ammuu Atuubaawu ata Amaaŋenawu. Lakaanolaakaan min ubajaal kásooniyen kanookan feh kata Buyinumabu haatiya li emitayi, humum hata hujokoolahu hoololaal li Kilisita.