Popular Bible Verses from 1 Tímote 1

Share

Hulim unhe hata mal̥egen hatooke min ésukayi feh eyab ho: Yéesu Kilisita labiibil li adunaayi boot kafaken kuhoofoola. Ban ínje humumom emmuu átinaa li kuhoofoolaabuku umbuku feh.

Bale wahawu unwe újimuu Ateemit li áyiyenom: lafanfañ min Yéesu Kilisita áhiisum lí ínje, ammuu átinaa li kuhoofoolaabuku feh, húmuñahu hoola háamakahu, min lako bukittenoolum boot li bukanabuku kammuu li kubil kúyinen li akila, min kubaj buloŋabu bábaneliitumuu.

Wahawu wájimuu li ilobi loon muñaˈa wo wommuu min baj húbooli habilumulo li buyinum bajake, buyinum babahe li káyinen kata mal̥egen.

Awu ammuu Ayíi boot nanoonan, Awu áketeliitumuu ban újukeliiti, Awu bale ommuu Ateemit, kábinkenaku li máyiineniyamu, mujow mulako mooli boot nanoonan! Aameen.

Uhaasaal wahawu unwe: eluwaayi ekaanuti boot li bukan kakaane majake, bale ekaanikaan to boot li kákaanikoolemuu li kákaaneliitumuu loon elobumuu. Ekaanikaan to boot li kákoliwutumuu Ateemit li kuhoofoolaaku, boot li bukanabuku kaluukenutumuu Ateemit li wahawu wanabaawu. Ekaanikaan to foof boot li kamukemuu situubayiil mantee foof sijaawiil, boot li kumuka bukan. Eluwaayi ekaanikaan to boot li bukanabuku kahintowemuu li bukan kan kuyabowut, boot li kánayinaabuku kahintenemuu kufaaliil kánayine, boot li bukanabuku kájulayemuu emiikeelayi. Ekaanikaan to foof boot li kámalemuu li bukanabuku kanuulemuu ban let kukaan loon kunuulumuu, boot foof li bukanabuku káhoogulemuu baliikenelabu bata mal̥egen.